കോട്ടയം: ഫെയ്സ് ബുക്ക് കൂട്ടായ്മയിലൂടെ പരിചയപ്പെട്ട സ്ത്രീയെ പീഡിപ്പിച്ച ഗ്രൂപ്പ് അഡ്മിന് അറസ്റ്റില്. വിമുക്തഭടനും ആലപ്പുഴ സ്വദേശിയുമായ ഷാജി തോമസാണ് അറസ്റ്റിലായിരിക്കുന്നത്. യുവതിയെ വിവാഹവാഗ്ദാനം നല്കി ജമ്മുകശ്മിരിലെത്തിച്ച ശേഷം പീഡിപ്പിക്കുകയായിരുന്നു. 2014ലാണ് സംഭവം നടന്നത്.
സ്നേഹകൂട്ടായ്മ എന്ന പേരില് ഷാജി തോമസ് ഒരു ഫെയ്സ് ബുക്ക് ഗ്രൂപ്പുണ്ടാക്കിയിരുന്നു. ഈ ഗ്രൂപ്പിലൂടെ പരിചയപ്പെട്ട തിരുവല്ല സ്വദേശിയായ മുപ്പതുകാരിയായുമായി ഷാജി സൗഹൃദത്തിലായിരുന്നു. വിധവയായ ഈ സ്ത്രീയെ ബിഎസ്എഫ് ജവാന് വിവാഹവാഗ്ദാനം നല്കി ജമ്മുവിലേക്ക് ക്ഷണിക്കുകയായിരുന്നു. ജമ്മുവിലെത്തിയ യുവതിയെ പീഡിപ്പിച്ച ശേഷം ഇയാള് നാട്ടിലേക്ക് മടക്കി അയക്കുകയായിരുന്നു. താന് പറ്റിക്കപ്പെട്ടതാണെന്ന് മനസിലാക്കിയ യുവതി നാട്ടിലെത്തിയ ശേഷം തിരുവല്ല പൊലീസില് പരാതി നല്കുകയായിരുന്നു.
യുവതി പൊലീസില് പരാതി നല്കിയെന്നറിഞ്ഞതിനെ തുടര്ന്ന് ജോലിയില് നിന്നും ഉേേപാക കോട്ടയത്ത് സെക്യൂരിറ്റി ജീവനക്കാരനായി ജോലി ചെയ്യുകയായിരുന്നു. ഇവിടെ നിന്നാണ് ഷാജിയെ പൊലീസ് അറസ്റ്റുചെയ്യുന്നത്. നേരത്തെയും സമാനമായി രീതിയില് ഗ്രൂപ്പിലൂടെ പരിചയപ്പെട്ട യുവതിയുടെ നഗ്നചിത്രം ഫെയ്സ് ബുക്കിലൂടെ പ്രചരിപ്പിച്ചതിന് പൊലീസ് പിടിയിലായിരുന്നു. മലപ്പുറം എടവണ്ണപ്പാറ സ്വദേശിയായ യുവതിയുടെ പരാതിയെ തുടര്ന്നാണ് അറസ്റ്റിലായത്. കേസില് റിമാന്റ് കാലാവധി കഴിഞ്ഞ ശേഷം ഇയാള് മുങ്ങുകയായിരുന്നു. തുടര്ന്നാണ് പ്രതി കോട്ടയത്തും നിന്നും അറസ്റ്റിലാകുന്നത്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ