തൃശൂര്‍: കൊച്ചി മെട്രോ ഉദ്ഘാടന ചടങ്ങില്‍ മെട്രോമാന്‍ ഇ ശ്രീധരനെയും പ്രതിപക്ഷനേതാവിനെയും രണ്ടാം ലിസ്റ്റില്‍ ഉള്‍പ്പെടുത്തിയെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍. ഇത് സംബന്ധിച്ച സര്‍ക്കാരിന് സര്‍ക്കുലര്‍ കിട്ടിയിട്ടുണ്ടാകുമെന്നും കുമ്മനം പറഞ്ഞിരുന്നു.
ഇശ്രീധരനെ ഉദ്ഘാടന ചടങ്ങില്‍ ഉള്‍പ്പെടുത്തണമെന്ന ആവശ്യവുമായി ബിജെപി കേരളഘടകം പ്രധാനമന്ത്രിയുടെ ഓഫീസുമായി ബന്ധപ്പെട്ടിരുന്നു. ഇന്ന പ്രധാനമന്ത്രിയുമായി ഇക്കാര്യം ഫോണില്‍ സംസാരിക്കുകയും ചെയ്തിരുന്നു. ഉച്ചയോടെയാണ് ശ്രീധരനെ ഉള്‍പ്പെടുത്തിയ വിവരം പ്രധാനമന്ത്രിയുടെ ഓഫീസില്‍ നിന്ന് ലഭിച്ചതെന്നും കുമ്മനം പറഞ്ഞു.
ശ്രീധരനെയും പ്രതിപക്ഷനേതാവിനെയും ഉദ്ഘാടന ചടങ്ങില്‍ ഉള്‍പ്പെടുത്താത്ത സംഭവം വിവാദമായിരുന്നു. ഇവരെ ഉള്‍പ്പെടുത്തണമെന്നാവശ്യപ്പെട്ട് മുഖ്യമന്ത്രിയും പ്രധാനമന്ത്രിക്ക് കത്തയച്ചിരുന്നു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
