ദിലീപിന്റേയും നാദിര്‍ഷായുടേയും മൊഴി എടുക്കും; ദിലീപിന്റെ മാനേജറേയും പൊലീസ് ചോദ്യം ചെയ്യും

നടിയെ തട്ടിക്കൊണ്ടുപോയ കേസില്‍ സുനില്‍ കുമാരിന്റെ സഹതടവുകാരന്‍ ജിന്‍സന്റെ രഹസ്യമൊഴി രേഖപ്പെടുത്താന്‍ എറണാകുളം ചീഫ് ജുഡീഷ്യല്‍ മജിസ്‌ട്രേറ്റ് കോടതി അനുമതി നല്‍കി
ദിലീപിന്റേയും നാദിര്‍ഷായുടേയും മൊഴി എടുക്കും; ദിലീപിന്റെ മാനേജറേയും പൊലീസ് ചോദ്യം ചെയ്യും

കൊച്ചി: ദിലീപ് പൊലീസില്‍ നല്‍കിയിരിക്കുന്ന ബ്ലാക്ക്‌മെയില്‍ പരാതിയില്‍ പ്രത്യേക എഫ്‌ഐആര്‍ രജിസ്റ്റര്‍ ചെയ്ത് അന്വേഷണം നടത്തില്ലെന്ന് എറണാകുളം റൂറല്‍ എസ്പി വ്യക്തമാക്കി. നിലവില്‍ നടിയെ ആക്രമിച്ച കേസില്‍ നടക്കുന്ന അന്വേഷണത്തിന് ഒപ്പമായിരിക്കും ദിലീപിന്റെ ബ്ലാക്ക്‌മെയില്‍ പരാതിയും അന്വേഷണ സംഘം പരിശോധിക്കുക. 

പൊലീസില്‍ നല്‍കിയിരിക്കുന്ന പരാതിയുടെ അടിസ്ഥാനത്തില്‍ ദിലീപിന്റേയും, നദിര്‍ഷായുടേയും മൊഴി അന്വേഷണ സംഘം രേഖപ്പെടുത്തും. ദിലീപിന്റെ മാനേജറുടേയും മൊഴി എടുക്കും. 

ഇതുകൂടാതെ നടിയെ തട്ടിക്കൊണ്ടുപോയ കേസില്‍ സുനില്‍ കുമാരിന്റെ സഹതടവുകാരന്‍ ജിന്‍സന്റെ രഹസ്യമൊഴി രേഖപ്പെടുത്താന്‍ എറണാകുളം ചീഫ് ജുഡീഷ്യല്‍ മജിസ്‌ട്രേറ്റ് കോടതി അനുമതി നല്‍കി. ആലുവ മജിസ്‌ട്രേറ്റ് കോടതിയായിരിക്കും രഹസ്യമൊഴി രേഖപ്പെടുത്തുക.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com