'അമ്മയെ അമ്മച്ചിയെന്ന് വിളിച്ചത് നന്നായി; 'അമ്മ' എന്നു വിളിക്കാനൊരു മടി; ''അമ്മ''യെ പരിഹസിച്ച് ഗീവര്‍ഗീസ് മാര്‍ കുറീലോസ്

ഗീവര്‍ഗീസ് മാര്‍ കുറിലോസ് സോഷ്യല്‍മീഡിയയില്‍ നിറസാന്നിധ്യമാണ്
'അമ്മയെ അമ്മച്ചിയെന്ന് വിളിച്ചത് നന്നായി; 'അമ്മ' എന്നു വിളിക്കാനൊരു മടി; ''അമ്മ''യെ പരിഹസിച്ച് ഗീവര്‍ഗീസ് മാര്‍ കുറീലോസ്

കൊച്ചി: ''അമ്മയെ ഇപ്പോള്‍ അമ്മച്ചി എന്നാണ് വിളിക്കുന്നത്. ഭാഗ്യം; ''അമ്മ'' എന്ന് വിളിക്കാന്‍ എന്തോ ഒരു മടി'' - നിരണം ഭദ്രാസനാധിപന്‍ ഡോ. ഗീവര്‍ഗീസ് മാര്‍ കൂറിലോസ് ഫെയ്‌സ്ബുക്കില്‍ കുറിച്ചതിങ്ങനെയാണ്.
അമ്മ സംഘടനയുടെ ജനറല്‍ ബോഡി യോഗത്തിനുശേഷം നടന്ന പത്രസമ്മേളനത്തില്‍ താരങ്ങളായ ജനപ്രതിനിധികള്‍ ക്ഷോഭിക്കുകയും ആരോപണവിധേയനായ ദിലീപിനെക്കുറിച്ച് ചര്‍ച്ചകള്‍ നടത്തിയില്ല എന്നതും സോഷ്യല്‍മീഡിയയില്‍ ഏറെ ചര്‍ച്ചകള്‍ നടക്കുന്നതിനിടെയാണ് താരസംഘടനയെ പരിഹസിച്ചുകൊണ്ട് ഗീവര്‍ഗീസ് മാര്‍ കുറിലോസിന്റെ പ്രതികരണം.


സമകാലീന സാഹചര്യങ്ങളെക്കുറിച്ച് അനുദിനം ഫെയ്‌സ്ബുക്ക് കുറിപ്പുകളിലൂടെ പ്രതികരിക്കുന്ന ഗീവര്‍ഗീസ് മാര്‍ കുറിലോസ് സോഷ്യല്‍മീഡിയയില്‍ നിറസാന്നിധ്യമാണ്. അദ്ദേഹത്തിന്റെ വാക്കുകള്‍ക്ക് സോഷ്യല്‍മീഡിയയില്‍ വളരെ പ്രാധാന്യമാണ് നല്‍കാറുള്ളത്. വിഷയത്തിനനുസരിച്ച് പരിഹാസത്തോടെയും ഗൗരവത്തോടെയും കുറിപ്പുകളിട്ടുകൊണ്ട് നിരണം ഭദ്രാസനാധിപനായ ഡോ. ഗീവര്‍ഗീസ് മാര്‍ കുറിലോസ് സോഷ്യല്‍ മീഡിയയിലെ താരമാകുന്നത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com