കൊച്ചി:നടിയെ ആക്രമിച്ച് ദൃശ്യങ്ങള് പകര്ത്തിയത് നാല് വര്ഷം പഴക്കമുള്ള ക്വട്ടേഷനെ തുടര്ന്നാണെന്ന് സുനില് കുമാര് മൊഴി നല്കിയതിന്റെ അടിസ്ഥാനത്തില് പൊലീസ് അന്വേഷണം ആരംഭിച്ചു. ഒന്നര രകോടി രൂപയ്ക്കാണ് സുനില്കുമാര് ക്വട്ടേഷന് ഉറപ്പിച്ചതെന്ന് പൊലീസിനോട് സമ്മതിച്ചിട്ടുണ്ട്. സംഭവം വിജയിച്ചാല് 62 കോടി രൂപയുടെ ലാഭം ക്വട്ടേഷന് നല്കിയ ആള്ക്ക് ഉണ്ടാകും എന്ന് സുനില്കുമാര് പറഞ്ഞതായാണ് വിവരം. ഇതുസംബന്ധിച്ച് നടിയുടെ മൊഴിയും രേഖപ്പെടുത്തിയിട്ടുണ്ട്.
നടിയുടെ ചിരിച്ച മുഖവും വിരലിലെ മേതിരവും ദൃശ്യത്തില് കൃത്യമായി ഉണ്ടായിരിക്കണമെന്ന് ക്വട്ടേഷന് നല്കിയ വ്യക്തി നിര്ദ്ദേശിച്ചിരുന്നതായാണ് സുനില്കുമാര് മൊഴി നല്കിയിരിക്കുന്നത്. അതിനാലാണ് ആക്രമിക്കപ്പെട്ടപ്പോള് കരഞ്ഞ നടിയോട് ചിരിക്കാന് ആവശ്യപ്പെട്ടെതെന്നും സുനില്കുമാര് സമ്മതിച്ചു.മലയാള സിനിമ മേഖലയിലെ പ്രമുഖര് തന്നെയാകും ക്വട്ടേഷന് പിന്നില് എന്ന നിഗമനത്തിലാണ് പൊലീസ്.
കേസുമായി ബന്ധപ്പെട്ട് ചോദ്യം ചെയ്ത ദിലീപിന്റെ ഭൂമിയടപാടുകളെക്കുറിച്ചും പൊലീസ് അന്വേഷണം ആരംഭിക്കും. സിനിമ മേഖലയിലെ കൂടുതല് ആളുകളെ സംഭവവുമായി ബന്ധപ്പെട്ട് ചോദ്യം ചെയ്തേക്കുമെന്നാണ് ലഭിക്കുന്ന സൂചനകള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ