വ്യാജ വീഡിയോ പ്രചരിപ്പിച്ചുവെന്ന് കുമ്മനത്തിനെതിരെ മുഖ്യമന്ത്രിക്ക്‌എസ്എഫ്‌ഐയുടെ പരാതി

പരാതി പരിശോധിച്ച് നടപടിയെടുക്കാന്‍ മുഖ്യമന്ത്രി പിണറായി വിജയന്‍ നിര്‍ദ്ദേശം നല്‍കി
വ്യാജ വീഡിയോ പ്രചരിപ്പിച്ചുവെന്ന് കുമ്മനത്തിനെതിരെ മുഖ്യമന്ത്രിക്ക്‌എസ്എഫ്‌ഐയുടെ പരാതി

കണ്ണൂര്‍: ആര്‍എസ്എസ് പ്രവര്‍ത്തകനെ കൊന്ന ശേഷം സിപിഎം പ്രവര്‍ത്തകര്‍ ആഹ്ലാദ പ്രകടനങ്ങള്‍ നടത്തുന്നു എന്ന തരത്തില്‍ സോഷ്യല്‍ മീഡിയയില്‍ വ്യാജ ദൃശ്യങ്ങള്‍ പ്രചരിപ്പിച്ച ബിജെപി സംസ്ഥാന പ്രസിഡന്റ് കുമ്മനം രാജശേഖരനെതിരെ എസ്എഫ്‌ഐ മുഖ്യമന്ത്രിക്ക് പരാതി നല്‍കി. എസ്എഫ്‌ഐ കണ്ണൂര്‍ ജില്ലാ സെക്രട്ടറി മുഹമ്മദ് സിറാജാണ് പരാതി നല്‍കിയത്. പരാതി പരിശോധിച്ച് നടപടിയെടുക്കാന്‍ മുഖ്യമന്ത്രി പിണറായി വിജയന്‍ നിര്‍ദ്ദേശം നല്‍കി. ഡിജിപിക്കും എസ്എഫ്‌ഐ പരാതി നല്‍കിയിട്ടുണ്ട്. 

ആര്‍എസ്എസ് രാമന്തളി മണ്ഡലം കാര്യവാഹക് ചൂരിക്കാട്ട് ബിജു കൊല്ലപ്പെട്ടതിനുശേഷം സിപിഐഎം പ്രവര്‍ത്തകര്‍ ആഹ്ലാദ പ്രകടനം നടത്തുന്നു എന്ന തരത്തിലാണ് കുമ്മനം വീഡിയോ ഫേയ്‌സ്ബുക്കിലും ട്വിറ്ററിലും പ്രചരിപ്പിച്ചത്. ഇത് സിപിഎമ്മിനെതിരെ വ്യാപകമായി സംഘപരിവാര്‍ പ്രചരിപ്പിക്കുകയും ചെയ്തിരുന്നു. 

കുമ്മനത്തിന്റെ പോസ്റ്റ് നിയമവിരുദ്ധമാണെന്നും എവിടെയാണ് സിപിഎം പ്രവര്‍ത്തകര്‍ ആഹ്ലാദ പ്രകടനം നടത്തിയത് എന്ന് വ്യക്തമാക്കണം എന്നും അല്ലാത്ത പക്ഷം തെറ്റിദ്ധാരണ പരത്തിയതിന്റെ പേരില്‍ ആവശ്യമെങ്കില്‍ കുമ്മനത്തിന് എതിരെ കേസെടുക്കുമെന്ന് ഇന്നലെ മുഖ്യമന്ത്രി നിയമസഭയില്‍ പറഞ്ഞിരുന്നു. കുമ്മനം തെറ്റിദ്ധാരണ പരത്തുകയാണെന്നും ആഹ്ലാദ പ്രകടനം നടത്തിയത് എവിടെയാണെന്ന് വ്യക്തമാക്കണമെന്നും ആവശ്യപ്പെട്ട് സിപിഎം കണ്ണൂര്‍ ജില്ലാ സെക്രട്ടറി പി ജയരാജനും കഴിഞ്ഞ ദിവസം രംഗത്തെത്തിയിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com