കൊച്ചി: പീഡനത്തെ തുടര്ന്ന് പെണ്കുട്ടി സ്വാമിയുടെ ജനനേന്ദ്രീയം മുറിച്ച സംഭവത്തില് സ്വാമി ഗംഗേശാനന്ദയ്ക്ക് കുമ്മനം രാജശേഖരനുമായി ബന്ധമുണ്ടെന്ന ആരോപണങ്ങള്ക്കെതിരെ കെ.സുരേന്ദ്രന്. കാഷായ വസ്ത്രം ധരിച്ചവരൊക്കെ കുമ്മനത്തിന്റെ അടുപ്പക്കാരാണെന്നും പറഞ്ഞ് തുള്ളുന്നത് അപഹാസ്യമാണെന്ന് സുരേന്ദ്രന് ഫേസ്ബുക്ക് പോസ്റ്റില് കുറിച്ചു.
പെണ്കുട്ടി ബ്ലേഡ് എടുത്ത് കപട സ്വാമിയുടെ ലിംഗം ഛേദിച്ചതിന്റെ ക്രഡിറ്റ് ഇരട്ടച്ചങ്കന് നല്കി സിപിഎം പ്രവര്ത്തകര് ആത്മനിര്വൃതി അടയുകയാണെന്നും സുരേന്ദ്രന് വിമര്ശിക്കുന്നു. പി.ശശിയും, കോട്ടമുറിക്കലുമൊക്കെ കോടിയേരിയോട് ചോദിച്ചിട്ടായിരുന്നോ ഈ പണിക്ക് ഇറങ്ങിയതെന്നും സുരേന്ദ്രന് ചോദിക്കുന്നു.
ആ പെണ്കുട്ടി പീഡകന് കടുത്ത ശിക്ഷ നല്കാതെ പിണറായി വിജയന്റെ പോലീസിനെ സമീപിച്ചിരുന്നെങ്കില് എന്തു സംഭവിക്കുമായിരുന്നു? ഒരു ചുക്കും സംഭവിക്കുമായിരുന്നില്ല. പുഷ്പം പോലെ കള്ള സ്വാമി കേസ്സില് നിന്ന് ഊരിപ്പോരുമായിരുന്നു. കഴിഞ്ഞ ഒരു വര്ഷത്തെ ഇടതുഭരണത്തിനിടയില് ഏതു സ്ത്രീ പീഡനക്കേസ്സിനാണ് പ്രതികള്ക്കു ശിക്ഷ വാങ്ങിക്കൊടുക്കാന് ഇക്കൂട്ടര്ക്കു കഴിഞ്ഞത്. സൗമ്യാക്കേസ്സില് അവസാനം എന്താണുണ്ടായത്? ബാലന്റേയും വനിതാ ഉദ്യോഗസ്ഥയുടേയും അതിബുദ്ധികൊണ്ടെന്തു നേടിയെന്ന് മാലോകര് കണ്ടതല്ലേയെന്നും ഫേസ്ബുക്ക് പോസ്റ്റില് സുരേന്ദ്രന് ചോദിക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ