തിരുവനന്തപുരം: മന്ത്രി തോമസ് ചാണ്ടിയുടെ രാജിയ്ക്ക് ഇടയാക്കിയ സിപിഐ നിലപാടിനെ പ്രശംസിച്ച കോണ്ഗ്രസിന് പിന്നാലെ സിപിഐയെ യുഡിഎഫിലേക്ക് ക്ഷണിച്ച് ആര്എസ്പി നേതാവ് എഎ അസീസ്.
. എല്ഡിഎഫ് വിടുന്നതാണ് സിപിഐക്ക് നല്ലതെന്നും അദ്ദേഹം വ്യക്തമാക്കി. എല്ഡിഎഫില് തുടര്ന്നാല് സിപിഎമ്മിന്റെ ആട്ടുംതുപ്പുമേറ്റ് സിപിഐ നശിക്കുമെന്നും അദ്ദേഹം പറഞ്ഞു.
കേരളത്തിന്റെ കഴിഞ്ഞ കാല അനുഭവങ്ങളുടെ അടിസ്ഥാനത്തിലാണെങ്കില് സിപിഐ ഇന്ന് നിലവിലുള്ള എല്ഡിഎഫ് ബന്ധം അവസാനിപ്പിച്ച് യുഡിഎഫിന്റെ ഭാഗമാകുന്നതാണ് അവര്ക്ക് നല്ലത്. മുന്നണി ബന്ധം അവസാനിപ്പിച്ച് പഴയകാല സംഭവങ്ങളുടെ അടിസ്ഥാനത്തില് യുഡിഎഫുമായി ബന്ധപ്പെട്ട് ഒരു സര്ക്കാര് രൂപികരിക്കുന്നതിന് സഹായകമായ സമീപനം സ്വീകരിച്ചാല് അവര്ക്ക് നല്ലതെന്നും അസീസ് അഭിപ്രായപ്പെട്ടു
സിപിഐ സിപിഎം തമ്മിലുള്ള നിലവിലെ തര്ക്കം മുതലെടുത്ത് സിപിഐ യുഡിഎഫിലേക്ക് എത്തിക്കുന്നതിനുള്ള പ്രാരംഭ നടപടി എന്ന നിലയിലാണ് അസീസിന്റെ പരാമര്ശം. ദേശീയ രാഷ്ട്രീയസാഹചര്യം പരിശോധിച്ചാല് സിപിഐക്ക് കോണ്ഗ്രസുമായി സഖ്യമുണ്ടാക്കാമെന്നും അസീസ് അഭിപ്രായപ്പെടുന്നു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ