കൊച്ചി: ദിലീപ് ചിത്രം രാമലീല തീയേറ്ററില്‍ എത്തിയതിന് പിന്നാലെയും വിവാദം കൈവെടിയുന്നില്ല. ഏറെ നാളെത്തെ കാത്തിരിപ്പിന് ശേഷമാണ് ദിലീപ് ചിത്രം തീയേറ്ററില്‍ എത്തിയത്. എന്നാല്‍ മൂന്നാംനാള്‍ചിത്രത്തിലെ നിര്‍ണായക രംഗങ്ങള്‍ പലതും ചോര്‍ന്ന് യൂട്യൂബില്‍ എത്തിയിരിക്കുയാണ്.
രാഷ്ട്രീയ ത്രില്ലറായ ചിത്രത്തിന്റെ ഏറ്റവും വലിയ ഹൈലൈറ്റ് ചിത്രത്തിന്റെ ക്ലൈമാക്‌സാണ്. ഈ രംഗങ്ങള്‍ പോലും പുറത്തായിട്ടുണ്ട്. തീയേറ്ററുകളില്‍ നിന്നും പകര്‍ത്തിയ രംഗങ്ങളാണ് പുറത്തായിരിക്കുന്നത്. ഡേ ബ്രേക്കിങ്, അശ്വതി ക്രിയേഷന്‍സ്, കേരള കഫെ, അക്ഷയ് ചന്ദ്രന്‍ എന്നീ അക്കൗണ്ടുകളിലല്‍ നിന്നാണ് ശനിയാഴ്ച യൂട്യൂബില്‍ അപ്‌ലോഡ് ചെയ്തിരിക്കുന്നത്.
ദിലീപിന്റെ ചിത്രത്തിനായി ആരാധകര്‍ ഇത്രയേറെ കാത്തിരുന്ന ഒരു സമയം ഇതിനുമുന്‍പ് ഉണ്ടായിട്ടില്ല. നടി ആക്രമിപ്പെട്ട കേസില്‍ ജയിലില്‍ കഴിയുന്ന ദിലീപിനുള്ള പിന്തുണ എന്ന നിലയില്‍ കൂടിയായിരുന്നു ആരാധകര്‍ ചിത്രത്തെ വരവേറ്റത്. ചിത്രത്തിന് വലിയ രീതിയിലുള്ള സ്വീകാര്യത ലഭിക്കുന്ന സാഹചര്യത്തിലാണ് ചിത്രത്തിന്റെ വിജയത്തെ തന്നെ ബാധിക്കുന്ന രീതിയില്‍ പ്രധാന ഭാഗങ്ങള്‍ പുറത്തായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
