കൊച്ചി: കേസില് പെട്ട വ്യക്തിക്ക് നിയമം നല്കുന്ന എല്ലാ പരിഗണനയും ദിലീപിനും അവകാശപ്പെട്ടതാണ്. ഇനി ദിലീപ് പുറത്ത് നിന്ന് വിചാരണ നേരിടട്ടേയെന്നും സെബാസ്റ്റ്യന് പോള് പറഞ്ഞു. കൊച്ചിയില് യുവനടി ആക്രമിക്കപ്പെട്ട കേസില് ജയിലിലായ ദിലീപിന് ജാമ്യം ലഭിച്ച സാഹചര്യത്തിലാണ് അഭിഭാഷകനും മാധ്യമപ്രവര്ത്തകനുമായ സെബാസ്റ്റ്യന് പോള് ഇത്തരത്തില് പ്രതികരിച്ചത്.
എന്നാല്, ദിലീപിന് ജാമ്യം ലഭിച്ചതില് വലിയ ആഹ്ളാദമില്ല. ഏതൊരു വ്യക്തിക്കും ലഭിക്കേണ്ട നീതിയാണ് ദിലീപിനും ലഭിച്ചത്. ഇതിലൂടെ ജാമ്യത്തിന് അര്ഹത ദിലീപിന് ഉണ്ടെന്ന് തെളിഞ്ഞിരിക്കുകയാണെന്നും അദ്ദേഹം കൂട്ടിച്ചേര്ത്തു.
അതേസമയം, ജാമ്യം ലഭിച്ചത് പ്രോസിക്യൂഷന് തിരിച്ചടിയായും കാണേണ്ടതില്ല. കേസിലെ പ്രധാന തെളിവായ മൊബൈല്ഫോണ് കണ്ടെത്തേണ്ടതുണ്ട്. ആ വഴിക്ക് അന്വേഷണം നടക്കട്ടെയെന്നും സെബാസ്റ്റിയന് പോള് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ