ഗുരുവായൂര്: കൊച്ചിയില് യുവനടിയെ ആക്രമിച്ച കേസില് 85 ദിവസത്തെ ജയില് വാസത്തിന് ശേഷം ജാമ്യത്തിലിറങ്ങിയ നടന് ദിലീപ് ഗുരുവായൂര് ക്ഷേത്രത്തില് ദര്ശനം നടത്തി. ഇന്ന് രാവിലെ 6 മണിക്ക് ഉഷ പൂജക്ക് മുമ്പ് ക്ഷേത്രത്തിലെത്തിയ ദിലീപ്, ഉഷ പൂജക്ക് ശേഷം സോപാനത്ത് കദളിക്കുലയും, നെയ്യും വച്ച് തൊഴുതു. കൂടെ പ്രേമന് എന്ന നിര്മ്മാതാവ് മാത്രമാണ് ഉണ്ടായിരുന്നത്.
ക്ഷേത്രദര്ശനത്തിന് ശേഷം കദളിപ്പഴം, പഞ്ചസാര, വെണ്ണ എന്നിവ കൊണ്ട് തുലാഭാരവും നടത്തി. 75 കിലോ വീതം തട്ടില് പണം കൂടാതെ ഇരുപത്തിയാറായിരത്തി അഞ്ഞൂറ്റി അമ്പത്തഞ്ച് രൂപ ദേവസ്വത്തിലടച്ചു. ഉപദേവതമാരെയും തൊഴുത് പുറത്തെ ഗണപതി കോവിലില് തേങ്ങയുടച്ചാണ് ദിലീപ് മടങ്ങിയത്.
ജയില് മോചിതനായ രണ്ടാം ദിവസം തന്നെ ആലുവയിലെ എട്ടേക്കര് പള്ളിയിലെത്തിയ ദിലീപ് കുര്ബാനയിലും നൊവേനയിലും പങ്കെടുത്തിരുന്നു. ഒക്ടോബര് മൂന്നിനാണ് ദിലീപിന് കോടതി ജാമ്യം അനുവദിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ