തിരുവനന്തപുരം: കൊച്ചി മെട്രോ നാടിന് പ്രധാനമന്ത്രി നരേന്ദ്രമോദി സമര്പ്പിച്ചപ്പോള് മലയാള ഭാഷയ്ക്കും അത് ഏറെ നേട്ടമായെന്നാണ് ചിലര് പറയുന്നത്. അതിന്റെ കാരണം പ്രധാനമന്ത്രിയുടെ മെട്രോ യാത്രയ്ക്കിടെ ബിജെപി സംസ്ഥാന അധ്യക്ഷന് കുമ്മനം യാത്ര ചെയ്തതാണ്. അതോടെ കുമ്മനടി എന്ന പുതിയ വാക്ക് സമൂഹമാധ്യമങ്ങള് ആഘോഷിക്കുകയായിരുന്നു.
എന്നാല് പിടിച്ചതിലും വലുത് മാളത്തില് എന്ന പറഞ്ഞതുപോലെയായി കുമ്മനത്തിന്റെ ജനരക്ഷാമാര്ച്ച് സമാപനത്തിനിടെയുണ്ടായത്. എംടി രമേശേ ബിജെപി ദേശീയ പ്രസിഡന്റ് അമിത് ഷായെയും ജനരക്ഷാ മാര്ച്ചിന്റെ നായകന് കുമ്മനം രാജശേഖരനെയും ഹാരം അണിയിക്കാന് വേണ്ടി തിരുവനന്തപുരം ജില്ലാ പ്രസിഡന്റിനെയും മറ്റു ഭാരവാഹികളെയും വിളിച്ചപ്പോഴാണ് ഹാരത്തിനുള്ളിലേക്ക് ബിജെപി ജില്ലാ പ്രസിഡന്റ് നുഴഞ്ഞ് കയറിയത്. മറ്റുള്ള സംസ്ഥാന ദേശീയ ഭാരവാഹികള് നോക്കി നില്ക്കെയായിരുന്നു സുരേഷിന്റെ പ്രകടനം.
അധ്യക്ഷപ്രസംഗത്തിലും താന് പോരിമ നിറഞ്ഞതായിരുന്നു സുരേഷിന്റെ പ്രസംഗം. അമിത്ഷാ നേതാക്കന്മാരെ സ്വാഗതം ചെയ്യുന്നതിനിടെ അധ്യക്ഷന്റെ പേര് പറയാന് മറന്നതും ശ്രദ്ധേയമായി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ