പ്രിയപ്പെട്ടവന്റെ വിയോഗം തളര്‍ത്തുന്നു; ഐ വി ശശിയുടെ വേര്‍പാടില്‍ മമ്മൂട്ടി

മമ്മൂട്ടിയെ സൂപ്പര്‍ താരമാക്കുന്നതില്‍ പ്രധാന പങ്കുവഹിച്ച സംവിധായകനാണ് ഐ വി ശശി
പ്രിയപ്പെട്ടവന്റെ വിയോഗം തളര്‍ത്തുന്നു; ഐ വി ശശിയുടെ വേര്‍പാടില്‍ മമ്മൂട്ടി

കൊച്ചി : പ്രശസ്ത ചലച്ചിത്ര സംവിധായകന്‍ ഐവി ശശിയുടെ നിര്യാണത്തില്‍ ദുഃഖം രേഖപ്പെടുത്തി നടന്‍ മമ്മൂട്ടി. പ്രിയപ്പെട്ടവന്റെ വിയോഗം എന്നെ തളര്‍ത്തുന്നു എന്നായിരുന്നു മമ്മൂട്ടി ഫേസ്ബുക്ക് പോസ്റ്റില്‍ കുറിച്ചത്.  

മമ്മൂട്ടിയെ സൂപ്പര്‍ താരമാക്കുന്നതില്‍ പ്രധാന പങ്കുവഹിച്ച സംവിധായകനാണ് ഐ വിശശി. ഐവി ശശി- മമ്മൂട്ടി കൂട്ടുകെട്ടില്‍ നിരവധി ചിത്രങ്ങളാണ് പുറത്തിറങ്ങിയത്. തൃഷ്ണ എന്ന ചിത്രത്തിലൂടെ മമ്മൂട്ടിയെ ശ്രദ്ധേയനായ നടനാക്കിയ ഐവി ശശി,  അടിയൊഴുക്കുകളിലൂടെ മികച്ച സഹനടനുള്ള ആദ്യ പുരസ്‌കാരവും നേടിക്കൊടുത്തു. 

ആള്‍ക്കൂട്ടത്തില്‍ തനിയെ, ആവനാഴി, ഇടനിലങ്ങള്‍, അടിമകള്‍ ഉടമകള്‍, ഇന്‍സ്‌പെക്ടര്‍ ബല്‍റാം, അബ്കാരി, വാര്‍ത്ത, 1921, അഹിംസ്, ഈ നാട്, മൃഗയ, അതിരാത്രം, ബല്‍റാം വേഴ്‌സസ് താരാദാസ് തുടങ്ങി മമ്മൂട്ടി -ഐവി ശശി കൂട്ടുകെട്ടില്‍ പിറവിയെടുത്ത ചിത്രങ്ങള്‍ നിരവധിയാണ്. 

മമ്മൂട്ടിയെ നായകനാക്കി കോഴിക്കോടന്‍ പശ്ചാത്തലത്തില്‍ ട്രേഡ് യൂണിയന്‍ രാഷ്ട്രീയം പ്രമേയമാക്കി സിനിമ ചെയ്യണമെന്ന മോഹം ബാക്കിയാക്കിയാണ്, അഭ്രപാളികളില്‍ പരീക്ഷണങ്ങള്‍ കൊണ്ട് വിസ്മയിപ്പിച്ച  ഐ വി ശശിയെന്ന മാസ്റ്റര്‍ സംവിധായകന്‍ വിടവാങ്ങുന്നത്. 
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com