വൈത്തിരി: തിരുവനന്തപുരം-മൈസൂര്‍ കെഎസ്ആര്‍ടിസി സ്‌കാനിയ ബസ് താമരശേരി ചുരത്തില്‍ കുടുങ്ങിയതോടെ ഇവിടെയുണ്ടായ ഗതാഗത തടസം മണിക്കൂറുകള്‍ പിന്നിട്ടു. ചുരത്തിലെ ഏഴാം വളവിലാണ് ബസ് മുന്നോട്ടെടുക്കാനാവാതെ അകപ്പെട്ടത്.
ശനിയാഴ്ച പുലര്‍ച്ചെ ഇവിടെ ഒരു കാര്‍ കത്തിയിരുന്നു. ഈ കാര്‍ കത്തിയതിനാല്‍ ബസ് വളവില്‍ തിരിച്ചെടുക്കാന്‍ പറ്റിയില്ലെന്നാണ് സൂചന. കെഎസ്ആര്‍ടിസി താമരശേരി ഗ്യാരേജില്‍ നിന്നും മെക്കാനിക്കുകള്‍ എത്തിയാല്‍ മാത്രമെ ബസ് ഇവിടെ നിന്നും നീക്കാനാവുകയുള്ളു. ചെറിയ വാഹനങ്ങള്‍ ഘട്ടം ഘട്ടമായി കടത്തിവിട്ടാണ് ഗതാഗതം സാധാരണ നിലയിലാക്കാന്‍ ശ്രമം നടക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
