ബാറുകള്‍ക്ക് വേണ്ടി സ്‌കൂളുകള്‍ മാറ്റേണ്ട സാഹചര്യമാണ് സംസ്ഥാനത്തെന്ന് ചെന്നിത്തല

മദ്യവര്‍ജനം എന്ന് പറഞ്ഞ് അധികാരത്തിലെത്തിയ ഇടത് സര്‍ക്കാര്‍ ഇപ്പോള്‍ ജനങ്ങളെ വഞ്ചിക്കുകയാണ്
ബാറുകള്‍ക്ക് വേണ്ടി സ്‌കൂളുകള്‍ മാറ്റേണ്ട സാഹചര്യമാണ് സംസ്ഥാനത്തെന്ന് ചെന്നിത്തല

തിരുവനന്തപുരം: എല്‍ഡിഎഫ് സര്‍ക്കാരിന്റെ പുതിയ മദ്യനയത്തിലൂടെ ബാറുകള്‍ക്ക് വേണ്ടി സ്‌കൂളുകള്‍ മാറ്റേണ്ട അവസ്ഥയാണ് വന്നിരിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. മദ്യവര്‍ജനം എന്ന് പറഞ്ഞ് അധികാരത്തിലെത്തിയ ഇടത് സര്‍ക്കാര്‍ ഇപ്പോള്‍ ജനങ്ങളെ വഞ്ചിക്കുകയാണ്. 

ആരാധനാലയങ്ങള്‍, സ്‌കൂളുകള്‍ എന്നിവയില്‍ നിന്നും മദ്യശാലകള്‍ ആരംഭിക്കാന്‍ വേണ്ട ദുരപരിധി കുറച്ച നടപടി പിന്‍വലിക്കാന്‍ സര്‍ക്കാര്‍ തയ്യാറാകണമെന്നം ചെന്നിത്തല പറഞ്ഞു. സര്‍ക്കാരിന്റെ മദ്യനയത്തിനെതിരെ കോണ്‍ഗ്രസും യുഡിഎഫും ശക്തമായ പ്രതിഷേധ സമരങ്ങളിലേക്ക് കടക്കുമെന്ന് ചെന്നിത്തല നേരത്തെ വ്യക്തമാക്കിയിരുന്നു. 

സെപ്തംബര്‍ 11 മുതലാണ് കോണ്‍ഗ്രസിന്റെ സമരങ്ങള്‍ ആരംഭിക്കുക. സെക്രട്ടറിയേറ്റിന് മുന്നിലും, അതാത് ജില്ലകളിലെ കളക്ടറേറ്റുകള്‍ക്ക് മുന്നിലുമായിരിക്കും കോണ്‍ഗ്രസ് ആദ്യ പടിയായി പ്രതിഷോധ ധര്‍ണ നടത്തുക.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com