തിരുവനന്തപുരം : ചെങ്ങന്നൂര്‍ ഉപതെരഞ്ഞെടുപ്പ് തീയതി സംബന്ധിച്ച് തീരുമാനം അടുത്ത ആഴ്ച ഉണ്ടായേക്കുമെന്ന് സൂചന. പോളിങ് കാലവര്‍ഷത്തിന് മുമ്പോ പിമ്പോ നടത്തുന്നതിനുള്ള സാധ്യതകള്‍ ആരാഞ്ഞ് കേന്ദ്ര തെരഞ്ഞെടുപ്പ് കമ്മീഷന്‍ സംസ്ഥാന ചീഫ് ഇലക്ടറല്‍ ഓഫീസര്‍ ടിക്കാറാം മീണയുമായി ചര്‍ച്ച നടത്തി.
തെരഞ്ഞെടുപ്പ് കമ്മീഷന്‍ അംഗങ്ങളായ അശോക് ലവാസെ, സുനില്‍ അറോറ, സെക്രട്ടറി ഉമേഷ് സിന്‍ഹ എന്നിവരാണ് ടിക്കാറാം മീണയുമായി ചര്‍ച്ച നടത്തിയത്. കര്‍ണാടക തെരഞ്ഞെടുപ്പിനുശേഷം ചെങ്ങന്നൂരില്‍ ഉപതെരഞ്ഞെടുപ്പ് നടത്തുന്നതിനുള്ള സാധ്യതകള്‍ യോഗത്തില്‍ ചര്‍ച്ചയായി. ഇതനുസരിച്ച് മെയ് അവസാനവാരം തെരഞ്ഞെടുപ്പ് ഉണ്ടായേക്കുമെന്നാണ് സൂചന. മെയ് 12 നാണ് കര്‍ണാടക തെരഞ്ഞെടുപ്പ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
