മലപ്പുറം: അപ്രഖ്യാപിത ഹര്ത്താലിന് മറവില് ആക്രമണം അഴിച്ചുവിട്ടത് എസ്ഡിപിഐയും വെല്ഫെയര് പാര്ട്ടിയുമാണെന്ന് കോണ്ഗ്രസ് നേതാവ് ആര്യാടന് മുഹമ്മദ്. ആക്രമണം ഉണ്ടാകുമെന്ന് ഇന്റലിജന്സ് റിപ്പോര്ട്ട് ഉണ്ടായിരുന്നിട്ടും മുഖ്യമന്ത്രി പിണറായി വിജയന് കയ്യുംകെട്ടി നോക്കിയിരുന്നുവെന്നും അദ്ദേഹം ആരോപിച്ചു. ഹര്ത്താല് അക്രമത്തിനെതിരെ ജില്ലാ കോണ്ഗ്രസ് കമ്മിറ്റി നടത്തിയ ധര്ണ ഉദ്ഘാടനം ചെയ്യുകയായിരുന്നു അദ്ദേഹം.
കോണ്ഗ്രസിനോ സിപിഎമ്മിനോ സിപിഐക്കോ മുസ്ലിം ലീഗിനോ അക്രമങ്ങളുമായി ബന്ധമില്ല. രാജ്യത്ത് എങ്ങനെ കലാപം സൃഷ്ടിക്കാമെന്ന് ആലോചിക്കുന്ന തീവ്രസ്വഭാവമുള്ള സംഘടനകളാണ് അക്രമം അഴിച്ചുവിട്ടത്. വര്ഗീയവാദികളാണ് അവര്. ഈ വര്ഗീയത ആപത്താണെന്നും മുഴുവന് പ്രതികളെയും കസ്റ്റഡിയിലെടുക്കണമെന്നും അദ്ദേഹം പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ