കൊച്ചി: നിര്‍ബന്ധിത കുമ്പസാരത്തിന് എതിരെയുള്ള ഹര്‍ജി ഹൈക്കോടതി തള്ളി. ഏതുമതത്തിലും വിശ്വസിക്കാനുള്ള അവകാശം ഇന്ത്യന്‍ ഭരണഘടന നല്‍കുന്നുണ്ടെന്ന് കോടതി നിരീക്ഷിച്ചു. മതവിശ്വാസം വ്യക്തി സ്വാതന്ത്ര്യം ഹനിക്കുന്നുണ്ടെങ്കില്‍ അത് ഒഴിവാക്കാനുള്ള അവകാശവും ഉണ്ടെന്ന് കോടതി വ്യക്തമാക്കി.
കുമ്പസാരം നിരോധിക്കണം എന്നാവശ്യപ്പെട്ട് ദേശീയ വനിതാ കമ്മീഷന്‍ കേന്ദ്ര ആഭ്യന്തര മന്ത്രാലത്തിന് കത്ത് നല്‍കിയിരുന്നു. കുമ്പസാരത്തിലൂടെ വനിതകള്‍ ബ്ലാക്‌മെയിലിങിന് വിധേയരാകുന്നുവെന്നും വനിതാ കമ്മീഷന്‍ ചൂണ്ടിക്കാട്ടിയിരുന്നു. വൈദികര്‍ പ്രതികളായ കുമ്പസാര പീഡന കേസിന് പിന്നാലെയായിരുന്നു വനിതാ കമ്മീഷന്‍ കത്ത് നല്‍കിയത്. ഇതിന് പിന്നാലെയാണ് കുമ്പസാരം നിരോധിക്കണം എന്നാവശ്യപ്പെട്ട് എറണാകുളം സ്വദേശി സി.എസ് ചാക്കോ ഹൈക്കോടതിയില്‍ പൊതുതാത്പര്യ ഹരര്‍ജി നല്‍കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
