ചെറുതോണി: ഡാമിന്റെ വൃഷ്ടിപ്രദേശത്ത് മഴ കുറഞ്ഞതോടെ ഇടുക്കി അണക്കെട്ടിലെ ജലനിരപ്പില് നേരിയ കുറവ്. 2396.34 അടിയായാണ് ജലനിരപ്പ് താഴ്ന്നത്. ഒരാഴ്ചയ്ക്കിടെ ആദ്യമായാണ് അണക്കെട്ടിലെ ജലനിരപ്പ് കുറയുന്നത്. ഒരു മണിക്കൂര് മുന്പ് ജലനിരപ്പ് 2396.36 അടിയായിരുന്നു. കഴിഞ്ഞ 24 മണിക്കൂറിനിടെ ഡാമിന്റെ വൃഷ്ടിപ്രദേശത്ത് നാമമാത്ര മഴ മാത്രമാണ് ലഭിച്ചത്.
മഴയും നീരൊഴുക്കും കുറഞ്ഞെങ്കിലും കെഎസ്ഇബി പൂർണതോതിൽ വൈദ്യുതോത്പാദനം തുടരുന്നതും ജലനിരപ്പ് കൂടാതിരിക്കാൻ കാരണമായി. വരും ദിവസങ്ങളിലും ഇത് തുടർന്നാൽ ട്രയൽ റൺ ആവശ്യം വരില്ലെന്ന നിലപാടിലാണ് കെഎസ്ഇബി.
അതേസമയം ജലനിരപ്പ് 2,398 അടിയിൽ എത്തിയാൽ ട്രയൽ റൺ നടത്തുമെന്ന് തന്നെയാണ് സർക്കാർ നിലപാട്. നിലവിലെ സ്ഥിതി തുടർന്നാൽ ഒരാഴ്ച കഴിഞ്ഞു മാത്രമേ ജലനിരപ്പ് 2,398 അടിയിൽ എത്തൂ. അതിനാൽ ആശങ്കയ്ക്ക് അടിസ്ഥാനമില്ലെന്ന് കെഎസ്ഇബി അറിയിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ