തിരുവനന്തപുരം: സംസ്ഥാനത്ത് അടുത്തിടെ നടന്ന ഓണ്ലൈന് സാമ്പത്തിക തട്ടിപ്പിന് പിന്നില് തീവ്രവാദ ബന്ധമുണ്ടെന്ന സൂചന നല്കി സൈബര് പൊലീസ്. കേസുമായി ബന്ധപ്പെട്ട് ദേശീയ അന്വേഷണ ഏജന്സി അന്വേഷിക്കുന്ന അമിത് ഭട്ടാചാര്യ എന്നയാളെ കൊല്ക്കത്തയില് വച്ച് കേരളാ പൊലീസിന്റെ സൈബര് സുരക്ഷാ വിഭാഗം അറസ്റ്റ് ചെയ്തു.
അഞ്ചുതെങ്ങ് സ്വദേശിയായ സ്ത്രീയില് നിന്നും എട്ട് ലക്ഷം രൂപ തട്ടിയെടുത്ത കേസിലെ പ്രതിയാണ് ഇയാള്. കേസില് അമിതിന് പുറമെ അംജദ് അലി എന്നയാളെയും എന്.ഐ.എ അന്വേഷിച്ച് വരികയായിരിന്നു. അന്വേഷണവുമായി ബന്ധപ്പെട്ട് ഡല്ഹിയില് നിന്നുള്ള എന്.ഐ.എ സംഘം വെള്ളിയാഴ്ച തിരുവനന്തപുരത്ത് എത്തുമെന്നാണ് അറിയുന്നത്. കൊല്ക്കത്തയില് നിന്നും അറസ്റ്റ് ചെയ്ത പ്രതിയെ തിരുവനന്തപുരത്ത് എത്തിച്ച് റിമാന്ഡ് ചെയ്തു. ഇയാളെ നാളെ കസ്റ്റഡിയില് വാങ്ങുമെന്നും പൊലീസ് അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ