കേരളം
പാലക്കാട് റെയിൽവേ പാളത്തിൽ മണ്ണിടിഞ്ഞുവീണു: ദീർഘദൂര സർവീസുകൾ വൈകുന്നു
ട്രാക്കിൽ വീണ മണ്ണ് മാറ്റാൻ റെയിൽവേ അധികൃതരും ഫയർഫോഴ്സും പൊലീസും ശ്രമം തുടരുകയാണ്
പാലക്കാട്: കനത്ത മഴയെത്തുടർന്ന് വാളയാറിൽ റെയിൽവേ ട്രാക്കിലേക്ക് മണ്ണിടിഞ്ഞ് വീണ് ട്രെയിൻ ഗതാഗതം ഭാഗികമായി തടസപ്പെട്ടു. ഇന്ന് രാവിലെയാണ് ട്രാക്കിലേക്ക് മണ്ണിടിഞ്ഞ് വീണത്. ഒരു ട്രാക്കിലൂടെ മാത്രമാണ് നിലവിൽ ട്രെയിൻ ഗതാഗതം നടക്കുന്നത്.
ട്രാക്കിൽ വീണ മണ്ണ് മാറ്റാൻ റെയിൽവേ അധികൃതരും ഫയർഫോഴ്സും പൊലീസും ശ്രമം തുടരുകയാണ്. സംഭവത്തെ തുടർന്ന് ദീർഘദൂര ട്രെയിനുകളിൽ പലതും പലയിടത്തും പിടിച്ചിട്ടിരിക്കുകയാണ്. പല ട്രെയിനുകളും വൈകിയാണ് സർവീസ് തുടരുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ