തിരുവനന്തപുരം: സംസ്ഥാനത്ത് മഴക്കെടുതിയില് ദുരിതത്തിന് ഇരയായ 53501 പേര് ദുരിതാശ്വാസ ക്യാമ്പുകളില് കഴിയുന്നതായി സര്ക്കാര് കണക്കുകള്. 12240 കുടുംബങ്ങളാണ് സംസ്ഥാനത്ത് ആരംഭിച്ച 439 ദുരിതാശ്വാസ ക്യാമ്പുകളില് കഴിയുന്നത്.
ആഗസ്റ്റ് പത്തിന് വൈകിട്ട് നാലു മണി വരെയുള്ള കണക്കാണിത്. ആലപ്പുഴയില് നേരത്തെ പ്രവര്ത്തിച്ചിരുന്ന ക്യാമ്പുകളില് കഴിയുന്നവര് ഉള്പ്പെടെയാണിത്. എറണാകുളത്ത് 68 ക്യാമ്പുകളിലായി 2795 കുടുംബങ്ങളിലെ 9476 പേര് കഴിയുന്നു. മലപ്പുറത്ത് 13 ക്യാമ്പുകളില് 1050 പേര് കഴിയുന്നുണ്ട്. ഇടുക്കിയില് പത്ത് ക്യാമ്പുകളില് 533 പേരുണ്ട്. കോഴിക്കോട് 848 പേര് പതിനെട്ട് ക്യാമ്പുകളില് കഴിയുന്നു. കണ്ണൂരില് പത്ത് ക്യാമ്പുകളിലായി 539 പേരുണ്ട്. തൃശൂരില് 13 ക്യാമ്പുകളില് 1029 പേര് താമസിക്കുന്നു. വയനാട് 113 ക്യാമ്പുകളിലായി 7367 പേര് കഴിയുന്നു. പാലക്കാട് 19 ക്യാമ്പുകളില് 3000 പേരുണ്ടെന്നും സര്ക്കാര് കണക്കുകള് വ്യക്തമാക്കുന്നു.
കനത്ത മഴയില് സംസ്ഥാനത്ത് 71 വീടുകള് ഭാഗികമായും 29 വീടുകള് പൂര്ണമായും നശിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ