തിരുവനന്തപുരം : പ്രളയക്കെടുതിയില്‍ ദുരിതം നേരിടുന്ന കേരളത്തിന് സഹായഹസ്തവുമായി ഐക്യരാഷ്ട്ര സംഘടന. പ്രളയ കെടുതിയ്ക്ക് ഇരയായവരുടെ പുനരധിവാസത്തിന് യുഎന്‍ സന്നദ്ധത അറിയിച്ചു. ഇന്ത്യയിലെ യുഎന്‍ റസിഡന്റ് കമ്മിഷണര്‍ ഇ-മെയിലിലലൂടെയാണ് മുഖ്യമന്ത്രി പിണറായി വിജയനെ ഇക്കാര്യം അറിയിച്ചത്.
കേരളം അനുവദിച്ചാല്‍ കേരളത്തിലെത്തി പുനരധിവാസ പ്രവര്‍ത്തനങ്ങള്‍ക്കു നേതൃത്വം നല്‍കാമെന്ന് ഐക്യരാഷ്ട്ര സംഘടന കത്തില്‍ അറിയിച്ചു. ഐക്യരാഷ്ട്ര സംഘടനയുടെ ഇടപെടല്‍ ആവശ്യപ്പെട്ട് ലക്ഷക്കണക്കിന് മലയാളികളാണ് സഹായ അഭ്യര്‍ത്ഥനയുമായി രംഗത്തെത്തിയത്.
പ്രളയക്കെടുതിയില്‍ സംസ്ഥാനത്ത് 20,000 കോടിയുടെ നാശനഷ്ടം ഉണ്ടായിട്ടുണ്ടെന്നാണ് സംസ്ഥാന സര്‍ക്കാരിന്റെ പ്രാഥമിക വിലയിരുത്തല്‍. പ്രളയത്തില്‍ സംസ്ഥാനത്തെ ഭൂരിഭാഗം റോഡുകളും തകര്‍ന്നു. ലക്ഷക്കണക്കിന് ആളുകളുടെ വീടുകളും പുതുക്കി പണിയേണ്ടുന്ന അവസ്ഥയിലാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
