കൊച്ചി: പ്രളയക്കെടുതിയിൽ രക്ഷാപ്രവർത്തനത്തിന് മുൻനിരയിലുണ്ടായിരുന്ന മത്സ്യതൊഴിലാളി വളളം മറിഞ്ഞ് മരിച്ചു. ഇളങ്കുന്നപ്പുഴ സ്വദേശി വേലായുധൻ (70) ആണ് മരിച്ചത്. പുതുവൈപ്പ് എൽഎൻജി ടെർമിനലിന് സമീപം ചൊവ്വാഴ്ച രാവിലെയായിരുന്നു സംഭവം. വള്ളത്തിലുണ്ടായിരുന്ന മറ്റു നാല് പേരെ രക്ഷപ്പെടുത്തി.
കഴിഞ്ഞ ദിവസമുണ്ടായ വെള്ളപ്പൊക്കത്തിൽ നിരവധി ആളുകളെ രക്ഷപ്പെടുത്തിയ സംഘമാണ് അപകടത്തിൽപെട്ടത്. വേലായുധനും രക്ഷാപ്രവർത്തനത്തിനു മുൻനിരയിലുണ്ടായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ