ദുരൂഹ സാഹചര്യത്തിൽ യുവാവിന്റെ മൃതദേഹം ; കൊലപാതകമെന്ന് സംശയം

കോട്ടപ്പറമ്പ്  സ്ത്രീകളുടേയും കുട്ടികളുടേയും  ആശുപത്രിക്ക് സമീപമാണ് യുവാവിന്റെ മൃതദേഹം കണ്ടത്
ദുരൂഹ സാഹചര്യത്തിൽ യുവാവിന്റെ മൃതദേഹം ; കൊലപാതകമെന്ന് സംശയം

കോഴിക്കോട്: ദുരൂഹ സാഹചര്യത്തിൽ കോഴിക്കോട് യുവാവിന്റെ മൃതദേഹം കണ്ടെത്തി.  കോട്ടപ്പറമ്പ്  സ്ത്രീകളുടേയും കുട്ടികളുടേയും  ആശുപത്രിക്ക് സമീപമാണ് യുവാവിന്റെ മൃതദേഹം കണ്ടത്.  കോട്ടപ്പറമ്പ് സ്വദേശി സിയ ( 30) യുടെ മൃതശരീരമാണ് കണ്ടെത്തിയത്. തലയിൽ ആഴത്തിലുള്ള മുറിവുണ്ട്. ശരീരമാസകലം പരിക്കേറ്റ നിലയിലാണെന്ന് പൊലീസ് അറിയിച്ചു.

രാവിലെ അഞ്ച് മണിയോടെയാണ് മൃതദേഹം കണ്ടെത്തിയത്.  തുടർന്ന് നാട്ടുകാർ പോലീസിനെ വിവരം അറിയിക്കുകയായിരുന്നു. കൊലപാതകമാണെന്നാണ് പൊലീസിന്റെ പ്രാഥമിക നി​ഗമനം.   മൃതദേഹം പോസ്റ്റ്മോർട്ടത്തിനായി മെഡിക്കൽ കോളേജിലേക്ക് മാറ്റി. പൊലീസ് കേസെടുത്ത് അന്വേഷണം ആരംഭിച്ചു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com