തിരുവനന്തപുരം : കണ്ണട വിവാദത്തില്‍ പ്രതികരണവുമായി സ്പീക്കര്‍ പി ശ്രീരാമകൃഷ്ണന്‍ രംഗത്തെത്തി. ഡോക്ടര്‍ നിര്‍ദേശിച്ച കണ്ണടയാണ് വാങ്ങിയത്. നടക്കുമ്പോഴും വായിക്കുമ്പോഴും കണ്ണിന് പ്രശ്‌നമുള്ള കാര്യം നേരത്തെ തന്നെ വ്യക്തമാക്കിയിട്ടുള്ളതാണ്. ഇക്കാര്യം ചൂണ്ടിക്കാട്ടിയാണ് ഡോക്ടറെ കണ്ടത്.
ഒരു ടേമില്‍ ഒരു കണ്ണട വാങ്ങാനുള്ള അവകാശം എല്ലാ നിയമസഭാ സാമാജികനുമുണ്ട്. കഴിഞ്ഞ ടേമില്‍ താന്‍ കണ്ണട വാങ്ങിയിരുന്നില്ല. ഫ്രെയിമിന് 5000 രൂപയില്‍ കൂടരുതെന്ന് ആവശ്യപ്പെട്ടിരുന്നു. ലാളിത്യത്തെ തിരസ്‌കരിക്കുന്ന ജീവിത ശൈലി ഇതുവരെ താന്‍ സ്വീകരിച്ചിച്ചില്ല. ഇക്കാര്യം എന്നെ അറിയാവുന്ന എല്ലാവര്‍ക്കും അറിയാവുന്ന കാര്യമാണെന്നും സ്പീക്കര്‍ പി ശ്രീരാമകൃഷ്ണന്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
