ആരാധകന്റെ മരണത്തില് വികാരാധീനനായി ദുല്ഖര് സല്മാന്. തലശ്ശേരി സ്വദേശിയായ ഹര്ഷാദ് പി.കെ യുടെ മരണമാണ് ദുല്ഖറിനെ ദു:ഖിതനാക്കിയത്. സ്നേഹ സമ്പന്നനായ വ്യക്തിത്വത്തിനുടമയായിരുന്നു ഹര്ഷാദ്. അവന്റെ മരണ വാര്ത്ത ഒരു ഞെട്ടലാണുണ്ടാക്കിയതെന്നും ദുല്ഖര് തന്റെ ഫേസ് ബുക്കില് കുറിച്ചു.
സമൂഹമാധ്യമങ്ങളില് വളരെ ഊര്ജസ്വലനായിരുന്നയാളായിരുന്നു ഹര്ഷാദെന്നും തനിക്ക് അവന് നല്കിയ പിന്തുണ വിലപ്പെട്ടതായിരുന്നെന്നും ദുല്ഖര് പറഞ്ഞു. ഹര്ഷാദിന്റെ കുടുംബത്തോടൊപ്പം താനും ഈ നഷ്ടത്തില് ദു:ഖിക്കുന്നുവെന്നും ദുല്ഖര് തന്റെ പോസ്റ്റില് കുറിച്ചു.
മട്ടന്നൂരിനടുത്ത് നടന്ന വാഹനാപകടത്തിലാണ് തലശ്ശേരി മുഴുപ്പിലങ്ങാട് സ്വദേശി അബുബക്കറിന്റെ മകനായ ഹര്ഷാദ് മരിച്ചത്. ദുല്ഖറിന്റെ കടുത്ത ആരാധകനായിരുന്ന ഹര്ഷാദ് കണ്ണൂരിലെ ദുല്ഖര് സല്മാന് ഫാന്സ് ഡിസ്ട്രിക് കമ്മിറ്റി പ്രസിഡന്റായിരുന്നു. ബൈക്കപകടത്തില് മരിച്ച ഹര്ഷാദിനെ മമ്മൂട്ടി ഫാന്സ് അസോസിയേഷന്റെ ഐഡി കാര്ഡില് നിന്നാണ് തിരിച്ചറിഞ്ഞത്.
ദുല്ഖര് സല്മാന്റെ ഫേസ്ബുക്ക് പോസ്റ്റിന്റെ പൂര്ണ്ണരൂപം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ