കൊച്ചി : ഒരു പ്രമുഖ ഘടകകക്ഷി കൂടി യുഡിഎഫ് വിടുമെന്ന് ജനതാദള്‍ യു നേതാവ്. അടുത്ത പാര്‍ലമെന്റ് തെരഞ്ഞെടുപ്പിന് മുമ്പ് ആ പാര്‍ട്ടി ഐക്യജനാധിപത്യ മുന്നണി വിടും. ജനതാദള്‍ യുണൈറ്റഡ് സംസ്ഥാന സെക്രട്ടറി ജനറല്‍ ഷേയ്ക് പി ഹാരിസാണ് ഇക്കാര്യം വ്യക്തമാക്കിയത്.
രമേശ് ചെന്നിത്തല യുഡിഎഫ് ചെയര്‍മാനായതിന് ശേഷം മുന്നണി സംവിധാനം
കൂടുതല്‍ ദുര്‍ബലമായി. നരേന്ദ്രമോദി സര്‍ക്കാരിനെതിരെ ഇടതു ജനാധിപത്യ മതേതര മുന്നണിയുടെ പ്രവര്‍ത്തനം ശക്തമാക്കേണ്ട സാഹചര്യമാണ് ഇപ്പോഴുള്ളതെന്നും ഷേയ്ക് പി ഹാരിസ് അഭിപ്രായപ്പെട്ടു.
ജനതാദള്‍ യു എറണാകുളം ജില്ലാ കൗണ്‍സില്‍ യോഗം ഉദാഘാടനം ചെയ്ത് സംസാരിക്കുകയായിരുന്നു ഷേയ്ക് പി ഹാരിസ്. ജില്ലാ പ്രസിഡന്റ് അഗസ്റ്റിന്‍ കോലഞ്ചേരി അധ്യക്ഷനായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
