ന്യൂഡല്‍ഹി: ഓഖി ദുരന്തം നേരിടുന്നതില്‍ സംസ്ഥാന സര്‍ക്കാരിനുണ്ടായ വീഴ്ചകളും ഫണ്ട് ദുര്‍വിനിയോഗവും അന്വേഷിക്കണമെന്നാവശ്യപ്പെട്ട് ഹൈക്കോടതിയെ സമീപിക്കാന്‍ സുപ്രീംകോടതി. സംസ്ഥാന സര്‍ക്കാരിനുണ്ടായ വീഴ്ചകള്‍ അന്വേഷിക്കണമെന്നാവശ്യപ്പെട്ട് ഹര്‍ജി നല്‍കിയ ലത്തീന്‍ വൈദികനാണ് സുപ്രീംകോടതി നിര്‍ദേശം.
ഓഖി ദുരന്തം നേരിടുന്നതില്‍ സര്‍ക്കാരിനുണ്ടായ വീഴ്ച അന്വേഷിക്കണമെന്നാവശ്യപ്പെട്ട് ലത്തീന്‍ അതിരൂപതയ്ക്ക് വേണ്ടിയാണ് വൈദികന്‍ സുപ്രീംകോടതിയില്‍ ഹര്‍ജി നല്‍കിയത്. മുന്നറിയിപ്പ് നല്‍കുന്നതിലും രക്ഷാപ്രവര്‍ത്തനങ്ങളിലും വീഴ്ചയുണ്ടായി. പുനരധിവാസ ഫണ്ട് വകമാറ്റി,ഹെലികോപ്റ്റര്‍ യാത്രയ്ക്ക് പണം നല്‍കാന്‍ നീക്കം നടന്നു , തുടങ്ങിയ ആരോപണങ്ങളാണ് ലത്തീന്‍ അതിരൂപത ഹര്‍ജിയില്‍ ഉന്നയിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
