കോഴിക്കോട്: സ്വകാര്യ പണമിടപാട് സ്ഥാപന ഉടമയെ പെട്രോള് ഒഴിച്ച് തീ കൊളുത്തി കൊലപ്പെടുത്താന് ശ്രമം. പുതുപ്പാടി കൈതപ്പൊയിലിലെ മലബാര് ഫിനാന്സ് ഉടമ സജി കുരുവിളയ്ക്കാണ് പൊളളലേറ്റത്.
വെളളിയാഴ്ച വൈകീട്ട് സജികുരുവിളയുടെ ധനകാര്യസ്ഥാപനത്തിലാണ് സംഭവം. മുളകുപൊടി വിതറിയ ശേഷം അക്രമി പെട്രോള് ഒഴിച്ച് തീ കൊളുത്തുകയായിരുന്നു. തീപൊളളലേറ്റ സജി കെട്ടിടത്തിന്റെ മുകളില് നിന്നും ചാടി രക്ഷപ്പെടുകയായിരുന്നുവെന്നാണ് റിപ്പോര്ട്ട്. രക്ഷപ്പെടുന്നതിനിടയില് ഇദ്ദേഹത്തിന് സാരമായി പരിക്കേറ്റു. കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ച സജി കുരുവിള 90 ശതമാനവും പൊളളലേറ്റ് ഗുരുതരാവസ്ഥയിലാണ്.
ഇടുക്കി സ്വദേശി സന്തോഷാണ് തന്നെ ആക്രമിച്ചതെന്ന് സജി കുരുവിള പൊലീസിന് മൊഴി നല്കിയതായാണ് വിവരം. ഇരുവരും തമ്മില് സാമ്പത്തിക ഇടപാടുകള് നടന്നിരുന്നു. ഇതിന്റെ പേരില് തര്ക്കങ്ങള് ഉടലെടുക്കുകയും ഇത് ആക്രമണത്തില് കലാശിക്കുകയുമായിരുന്നുവെന്ന് പൊലീസ് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ