ന്യൂഡല്ഹി: കേരളത്തിലെ വാട്ട്സ് ആപ്പ് ഹര്ത്താല് സിബിഐ അന്വേഷിക്കുമെന്ന് കേന്ദ്രസര്ക്കാര്. കേന്ദ്ര ഐടി മന്ത്രി രവിശങ്കര് പ്രസാദാണ് ഇക്കാര്യം രാജ്യസഭയെ അറിയിച്ചത്. വി. മുരളീധരന് എം.പിയാണ് ഈ വിഷയം രാജ്യസഭയുടെ ശ്രദ്ധയില് കൊണ്ടുവന്നത്. തുടര്ന്ന് ഇതിനോട് പ്രതികരിക്കുകയായിരുന്നു മന്ത്രി.
വാട്ട്സ് ആപ്പ് ഹര്ത്താല് സമൂഹമാധ്യമങ്ങളില് കൂടി പ്രചരിക്കുന്ന വ്യാജ സന്ദേശങ്ങളുടെ ഉദാഹരണമാണെന്ന് രാജ്യസഭയുടെ ശ്രദ്ധ ക്ഷണിച്ചുകൊണ്ട് വി. മുരളീധരന് പറഞ്ഞു. ഇതിന് പുറമെ കേംബ്രിഡ്ജ് അനലറ്റിക്ക ഡേറ്റ ചോര്ത്തിയതുമായി ബന്ധപ്പെട്ട വിഷയവും സിബിഐ അന്വേഷിക്കുമെന്നും മന്ത്രി രാജ്യസഭയെ അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ