തിരുവനന്തപുരം: ചെങ്ങന്നൂര്‍ ഉപതെരഞ്ഞെടുപ്പിലെ കോണ്‍ഗ്രസ് പരാജയത്തില്‍ പ്രതികരണവുമായി എഐസിസി ജനറല്‍ സെക്രട്ടറി ഉമ്മന്‍ ചാണ്ടി. പരാജയത്തില്‍ നിരാശപ്പെട്ട് മാളത്തില്‍ ഒളിക്കരുതെന്ന് ഉമ്മന്‍ ചാണ്ടി മുന്നറിയിപ്പ് നല്‍കി. തിരുവനന്തപുരത്ത് നടന്ന കെഎസ് യു ക്യാമ്പിനെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
തെരഞ്ഞെടുപ്പ് തോല്‍വിയില്‍ പാഠം ഉള്‍ക്കൊണ്ട് മുന്നോട്ടുപോകണം. വിജയിച്ചവര്‍ക്ക് എതിരെ തിരിയുന്നതിന് പകരം തോല്‍വിയുടെ കാരണം കണ്ടെത്തി പരിഹരിക്കുകയാണ് വേണ്ടത്. അതാണ് കോണ്‍ഗ്രസ് രീതി. 1977ല്‍ ഇന്ദിരഗാന്ധിയുടെ നേതൃത്വത്തില്‍ തെരഞ്ഞെടുപ്പിനെ നേരിട്ട കോണ്‍ഗ്രസ് വലിയ തിരിച്ചടിയാണ് നേരിട്ടത്. എന്നാല്‍ കാരണം കണ്ടെത്തി കോണ്‍ഗ്രസ് തിരിച്ചുവരുകയാണ് ചെയ്തത്. പ്രശ്‌നങ്ങള്‍ പരിഹരിച്ച് ജനങ്ങള്‍ക്കൊപ്പം നിന്ന് കൂട്ടായ പ്രയത്‌നത്തിലുടെ തിരിച്ചുവന്നതാണ് കോണ്‍ഗ്രസിന്റെ ചരിത്രമെന്നും ഉമ്മന്‍ ചാണ്ടി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
