കൊച്ചി: എടപ്പാളിലെ പീഡനക്കേസുമായി ബന്ധപ്പെട്ട് വിവരം നൽകിയ തിയേറ്റർ ഉടമയെ അറസ്റ്റ് ചെയ്ത സംഭവത്തിനെതിരേ തീയറ്റർ ഉടമകളുടെ സംഘടനയായ ഫിയോക് രംഗത്ത്. അറസ്റ്റിലായ തിയേറ്റർ ഉടമ ഇ.സി.സതീശൻ പൊലീസ് നടപടിക്കെതിരെ കോടതിയിൽ മാന നഷ്ടക്കേസ് ഫയൽ ചെയ്യുമെന്ന് ഫിയോക് അറിയിച്ചു. ഇതിനാവശ്യമായ എല്ലാ സഹായവും നൽകുമെന്നും സംഘടനാ ഭാരവാഹികൾ അറിയിച്ചു.
അറസ്റ്റ് നിയമപരമല്ലെന്നാണ് തങ്ങൾക്ക് കിട്ടിയ നിയമോപദേശം. ഇതിന്‍റെ അടിസ്ഥാനത്തിൽ അറസ്റ്റിലായ തിയേറ്റര്‍ ഉടമ ഇ.സി.സതീശന്
കോടതിയിൽ മാനനഷ്ടക്കേസ് ഫയൽ ചെയ്യാൻ ഫിയോക് എല്ലാ സഹായവും ചെയ്യുമെന്ന് സംഘടന ഭാരവാഹികൾ അറിയിച്ചു. പൊലീസ് നടപടിയിൽ പ്രതിഷേധിച്ച് ഇന്ന് കൊച്ചിയിൽ ചേർന്ന അടിയന്തര യോഗത്തിലാണ് തീരുമാനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
