രാജ്യസഭാ സീറ്റ് കേരളാകോണ്ഗ്രസിന് നല്കിയതില് കോണ്ഗ്രസിനുള്ളില് കലാപം. നിരവധി നേതാക്കളും പ്രവര്ത്തകരും തീരുമാനത്തിനെതിരേ രംഗത്തെത്തിയിരുന്നു. രാജ്യസഭാ സീറ്റ് കേരളാകോണ്ഗ്രസിന് കൈമാറിയതിനെ മുതിര്ന്ന കോണ്ഗ്രസ് നേതാവ് അജയ് തറയില് രൂക്ഷമായി വിമര്ശിച്ചു.
മുന്കൂട്ടി തയാറാക്കിയ തിരക്കഥയുടെ അടിസ്ഥാനത്തില് ഒളിച്ചുവെച്ച തീരുമാനമാണിതെന്നാണ് അജയ് തറയില് പറയുന്നത്. ഇത് കാരണം കോണ്ഗ്രസിലെ ഭൂരിപക്ഷ വിഭാഗം പാര്ട്ടിയില് നിന്ന് അകലാന് കാരണമാകുമെന്നും അദ്ദേഹം വ്യക്തമാക്കി. 40 സീറ്റിന് വേണ്ടി 100 സീറ്റ് കാണാതെ പോകരുതെന്നും കോണ്ഗ്രസുകാരുടെ ആത്മാഭിമാനത്തിനേറ്റ തിരിച്ചടിയാണ് ഇതെന്നാണ് അജയ് തറയില് പറയുന്നത്.
മുതിര്ന്ന നേതാക്കള്ക്കെതിരേ കോണ്ഗ്രസില് പ്രതിഷേധം രൂക്ഷമാവുകയാണ്. മൂവാറ്റുപുഴ, ചവറ, പിറവം എന്നിവിടങ്ങളില് തീരുമാനത്തിന് ചുക്കാന് പിടിച്ച രമേശ് ചെന്നിത്തലയുടെയും ഉമ്മന് ചാണ്ടിയുടെയും കോലം കത്തിച്ചു. കൊല്ലത്ത് യൂത്ത് കോണ്ഗ്രസ് പ്രവര്ത്തകര് പ്രതിഷേധവുമായി രംഗത്തുവന്നു. നേതാക്കളുടെ കോലം കത്തിച്ചാണ് പ്രവര്ത്തകര് പ്രതിഷേധിച്ചത്. കോണ്ഗ്രസിലെ യുവനേതാക്കളും തീരുമാനത്തെ രൂക്ഷമായ ഭാഷയില് വിമര്ശിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ