തിരുവനന്തപുരം: കാലത്തിനനുസരിച്ച് മാറാൻ കെഎസ്ആർടിസിയും തയ്യാറെടുക്കുന്നു. വാട്സ് ആപ്പ് ഗ്രൂപ്പുകൾ, ഫേസ് ബുക്ക്, ട്വിറ്റർ അക്കൗണ്ടുകൾ എന്നിവയിലൂടെ യാത്രക്കാർക്കിടയിൽ കൂടുതൽ സജീവമാകാനാണ് കെഎസ്ആർടിസി ഒരുങ്ങുന്നത്. ഇതിനായി കെഎസ്ആർടിസി സിഎംഡി ടോമിൻ ജെ.തച്ചങ്കരിയുടെ നിർദേശത്തെത്തുടർന്ന് സോഷ്യൽ മീഡിയ സെല്ലിന് രൂപം നൽകിക്കഴിഞ്ഞു.
പുതിയ റൂട്ടുകൾ, വിവിധ സേവനങ്ങൾ എന്നിവ സംബന്ധിച്ചു ലഘു ചിത്രങ്ങൾ, പോസ്റ്ററുകൾ എന്നിവ തയാറാക്കി പ്രചരിപ്പിക്കുക, സ്ഥാപനത്തിനെതിരായ പ്രചാരണങ്ങളെ ചെറുക്കുക എന്നിവയാണ് ലക്ഷ്യങ്ങൾ. ഓപ്പറേഷൻസ് വിഭാഗം മേധാവി ജി.അനിൽകുമാർ ആണ് സോഷ്യൽ മീഡിയ സെല്ലിന്റെയും മേധാവി.തങ്ങളുടെ സാധാരണ ഡ്യൂട്ടിക്കു ശേഷം വരുന്ന സമയമാണ് ഇവർ സോഷ്യൽ മീഡിയ സെല്ലിനായി ചെലവഴിക്കേണ്ടത്. ഇവർക്കു സൈബർ ഡോമിൽ പരിശീലനം നൽകുന്ന കാര്യവും പരിഗണനയിലാണ് .
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ