തിരുവനന്തപുരം: ജിവി രാജ സ്പോര്ട്സ് സ്ക്കൂളില് ഭക്ഷ്യവിഷബാധ. തിങ്കളാഴ്ച രാത്രിയോടെയാണ് 37 കുട്ടികള്ക്ക് ഭക്ഷ്യ വിഷബാധയേറ്റത്. ഭക്ഷ്യവിഷബാധയേറ്റത് കുട്ടികളുടെ വീട്ടുകാരെ യഥാസമയം അറിയിച്ചില്ലെന്നും വൈദ്യസഹായം ലഭ്യമാക്കിയില്ലെന്നും പരാതി ഉയര്ന്നിട്ടുണ്ട്. അവശനിലയിലായ വിദ്യാര്ത്ഥികളെ പൂട്ടിയിട്ടതായും ഇന്ന് ഉച്ചയോടെ മാത്രമേ ആശുപത്രിയിലെത്തിച്ചുള്ളുവെന്നും കുട്ടികള് ആരോപിക്കുന്നു
വീട്ടില് അറിയിച്ചില്ലെന്ന ആരോപണം സ്കൂള് അധികൃതര് ശരിവച്ചിട്ടുണ്ട്. പക്ഷേ വൈദ്യസഹായം നല്കിയില്ലെന്നത് തെറ്റായ വിവരമാണെന്നും രാവിലെ തന്നെ വൈദ്യസംഘത്തെ കുട്ടികള്ക്കായി ലഭ്യമാക്കിയിരുന്നുവെന്നും സ്പോര്ട്സ് സ്കൂള് അധികൃതര് അറിയിച്ചു.
ചൂരമീന് കറിയും ചോറുമാണ് തിങ്കളാഴ്ച ഉച്ചയ്ക്കു കുട്ടികള്ക്കു കഴിക്കാന് കൊടുത്തത്. വൈകിട്ടോടെ ഛര്ദിയും മറ്റ് അസ്വസ്ഥകളും ഉണ്ടാവുകയായിരുന്നു. മീനില് നിന്നാണോ മറ്റു ഭക്ഷ്യവസ്തുക്കളില്നിന്നാണോ വിഷബാധയേറ്റതെന്നു വ്യക്തമായിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ