വരാപ്പുഴ കസ്റ്റഡി മരണം: സിഐ ക്രിസ്പിന്‍ സാം അറസ്റ്റില്‍ 

അന്യായ തടങ്കല്‍, രേഖകളിലെ തിരിമറി, തെളിവു നശിപ്പിക്കല്‍ എന്നി കുറ്റങ്ങളാണ് അഞ്ചാം പ്രതിയായ ക്രിസ്പിന്‍ സാമിനുമേല്‍ ചുമത്തിയിരിക്കുന്നത്
വരാപ്പുഴ കസ്റ്റഡി മരണം: സിഐ ക്രിസ്പിന്‍ സാം അറസ്റ്റില്‍ 

എറണാകുളം: വരാപ്പുഴ കസ്റ്റഡിമരണ കേസില്‍ സിഐ ക്രിസ്പിന്‍ സാം അറസ്റ്റില്‍. അന്യായ തടങ്കല്‍, രേഖകളിലെ തിരിമറി, തെളിവു നശിപ്പിക്കല്‍ എന്നി കുറ്റങ്ങളാണ് അഞ്ചാം പ്രതിയായ ക്രിസ്പിന്‍ സാമിനുമേല്‍ ചുമത്തിയിരിക്കുന്നത്. ശ്രീജിത്തിന്റെ കസ്റ്റഡി മരണം നടന്ന വരാപ്പുഴ പൊലീസ് സ്റ്റേഷന്റെ ചുമതല ക്രിസ്പിന്‍ സാമിനായിരുന്നു. ആലുവ പൊലീസ് ക്ലബില്‍ വിളിച്ചുവരുത്തി ചോദ്യം ചെയ്ത ശേഷമായിരുന്നു അറസ്റ്റ്.

അതേസമയം ശ്രീജിത്തിനെ മര്‍ദിച്ചവരുടെ കൂട്ടത്തില്‍ ക്രിസ്പിന്‍ സാം ഇല്ലെന്നാണ് അന്വേഷണ സംഘം കണ്ടെത്തിയിരിക്കുന്നത്. ഇതിന്റെ അടിസ്ഥാനത്തില്‍ കൊലക്കുറ്റം സിഐയുടെ മേല്‍ ചുമത്തിയിട്ടില്ല. നിലവില്‍ ജാമ്യം ലഭിക്കാവുന്ന കുറ്റങ്ങളാണ് സിഐയുടെ മേല്‍ ചുമത്തിയിരിക്കുന്നത്. എങ്കിലും പ്രത്യേക അന്വേഷണ സംഘം ജാമ്യം നല്‍കാതെ ബുധനാഴ്ച കോടതിയില്‍ ഹാജരാക്കും.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com