സങ്കടത്തോടെയെങ്കിലും സര്‍ക്കാര്‍ സഹായം സ്വീകരിക്കുന്നു :  ശ്രീജിത്തിന്റെ ഭാര്യ

ജോലിയും ധനസഹായവും അര്‍ഹതപ്പെട്ടതാണ്. പൊലീസുകാര്‍ കാണമാണ് ഞാനും മകളും അനാഥമായത്
സങ്കടത്തോടെയെങ്കിലും സര്‍ക്കാര്‍ സഹായം സ്വീകരിക്കുന്നു :  ശ്രീജിത്തിന്റെ ഭാര്യ

കൊച്ചി : സര്‍ക്കാര്‍ പ്രഖ്യാപിച്ച ധനസഹായവും സര്‍ക്കാര്‍ ജോലിയും സ്വീകരിക്കുമെന്ന് വരാപ്പുഴയില്‍ പൊലീസ് മര്‍ദനത്തില്‍ മരിച്ച ശ്രീജിത്തിന്റെ ഭാര്യ അഖില. ജോലിയും ധനസഹായവും അര്‍ഹതപ്പെട്ടതാണ്. പൊലീസുകാര്‍ കാണമാണ് ഞാനും മകളും അനാഥമായത്. സങ്കടത്തോടെയാണെങ്കിലും സര്‍ക്കാര്‍ സഹായം സ്വീകരിക്കുന്നുവെന്ന് അഖില പറഞ്ഞു. 

സര്‍ക്കാര്‍ പ്രഖ്യാപിച്ച ധനസഹായം മകളുടെ ഭാവിക്കായി നിക്ഷേപിക്കും. പൊലീസ് അന്വേഷണം ഇപ്പോള്‍ ശരിയായ ദിശയിലാണെന്നും അഖില പറഞ്ഞു. കസ്റ്റഡി മരണക്കേസില്‍ സിഐ ക്രിസ്പിന്‍ സാമിനെ അറസ്റ്റ് ചെയ്യുകയും, അന്നത്തെ ആലുവ റൂറല്‍ എസ്പി എവി ജോര്‍ജിനെ ചോദ്യം ചെയ്യാനും പ്രത്യേക അന്വേഷണസംഘം തീരുമാനിച്ച പശ്ചാത്തലത്തിലാണ് അഖിലയുടെ പ്രതികരണം. 

അതേസമയം കേസ് കോടതിയിലെത്തുമ്പോള്‍ വമ്പന്മാര്‍ രക്ഷപ്പെടുമോ എന്ന് സംശയിക്കുന്നതായും അഖില അഭിപ്രായപ്പെട്ടു. വരാപ്പുഴയില്‍ കസ്റ്റഡിയില്‍ കൊല്ലപ്പെട്ട ശ്രീജിത്തിന്റെ ഭാര്യയ്ക്ക് സര്‍ക്കാര്‍ ജോലി നല്‍കാനും, 10 ലക്ഷം രൂപ കുടുംബത്തിന് ധനസഹായം നല്‍കാനുമാണ് മന്ത്രിസഭ തീരുമാനിച്ചത്. 
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com