തിരുവനന്തപുരം: മലപ്പുറം എടപ്പാളിലെ സിനിമാ തീയറ്ററിൽ അമ്മയുടെ സാന്നിധ്യത്തിൽ പത്തു വയസുകാരി ലൈംഗികമായി പീഡിപ്പിക്കപ്പെട്ട സംഭവത്തിൽ എത്രയും വേഗം അന്വേഷണ റിപ്പോർട്ട് സമർപ്പിക്കാൻ കേരള വനിതാ കമ്മീഷൻ മലപ്പുറം ജില്ലാ പോലീസ് മേധാവിയോട് ആവശ്യപ്പെട്ടു. ചെയർപേഴ്സണ് എം.സി. ജോസഫൈനിന്റെ നിർദേശപ്രകാരമാണ് നടപടി.
സംഭവവുമായി ബന്ധപ്പെട്ട് സിസിടിവി ദൃശ്യങ്ങളുടെ അടിസ്ഥാനത്തിൽ തൃത്താല സ്വദേശി കണ്കുന്നത്ത് മൊയ്തീൻകുട്ടിയെയും പത്തു വയസുകാരിയുടെ അമ്മയെയും റിമാന്റ് ചെയ്തിരുന്നു. സിസിടിവി ദൃശ്യങ്ങൾ ഉൾപ്പെടെ പരാതി നൽകിയ തീയറ്റർ ഉടമകളുടെ നടപടി മാതൃകാപരമാണെന്ന് ചെയർപേഴ്സണ് നേരത്തേ അഭിപ്രായപ്പെട്ടിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ