സിപിഎം നേതാവ് കന്നിപ്പൊയില്‍ ബാബുവിന്റെ കൊലപാതകവുമായി ബന്ധപ്പെട്ട് ഒരാള്‍ അറസ്റ്റില്‍. പാനൂര്‍ ചെണ്ടയോട് സ്വദേശി ശ്യാം ജിത്തിനെയാണ് പുതുച്ചേരി പൊലീസ് അറസ്റ്റ് ചെയ്തത്. ഇതോടെ അറസ്റ്റിലായവരുടെ എണ്ണം നാലായി.
കഴിഞ്ഞ തിങ്കളാഴ്ചയായിരുന്നു സിപിഎം നേതാവായ കന്നിപ്പൊയില്‍ ബാബുവിനെ സംഘം ചേര്‍ന്ന് ആക്രമിച്ച് വെട്ടിക്കൊലപ്പെടുത്തിയത്. നിജേഷ്, ശരത്ത്, ഒപി രജീഷ്, സുനീഷ് എന്നിവര്‍ ചേര്‍ന്നാണ് ബാബുവിനെ കൊലപ്പെടുത്തിയതെന്നും പിന്നീട് ജറിന്‍ സുരേഷിന്റെ വാഹനത്തില്‍ രക്ഷപ്പെടുകയായിരുന്നുവെന്നും പൊലീസ് ഇറക്കിയ പത്രക്കുറിപ്പില്‍ ചൂണ്ടിക്കാട്ടിയിരുന്നു.
ബാബുവിന്റെ കൊലപാതകത്തിന് പിന്നാലെ ഒരു ആര്‍എസ്എസ് പ്രവര്‍ത്തകനും മാഹിയില്‍ കൊല്ലപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
