കേരളത്തില് അപൂര്വയിനം വൈറസ് ബാധ കണ്ടെത്തിയതായി ആരോഗ്യമന്ത്രി. വൈറസ് പകരുന്നത് മൃഗങ്ങളില് നിന്നെന്നാണ് സൂചന. വവ്വാലുകളും മറ്റും കടിച്ച പഴവര്ഗങ്ങള് കഴിക്കരുെതെന്ന് നിര്ദേശം. കോഴിക്കോട് മെഡിക്കല് കോളജില് ഐസൊലേഷന് വാര്ഡ് തുറക്കുമെന്നും മന്ത്രി പറഞ്ഞു. ഇതേതുടര്ന്ന് ഇന്ന് പ്രത്യേക യോഗം വിളിച്ചിരുന്നു.
ആദ്യമായാണ് ഉത്തരേന്ത്യന് വൈറസ് കേരളത്തില് കണ്ടെത്തുന്നത്. അതേസമയം മണിപ്പാലില് നിന്നുള്ള റിപ്പോര്ട്ട് ലഭിച്ചതിന് ശേഷം മാത്രമേ ഏത് വൈറസ് മൂലമാണ് രോഗബാധയുണ്ടായതെന്ന് സ്ഥിരീകരിക്കാവു.
മുന്കരുതലുകള്
1. പക്ഷിമൃഗാദികളും വവ്വാലും ഭാഗികമായി ആഹരിച്ച പേരയ്ക്ക, ചാമ്പയ്ക്ക, മാങ്ങ തുടങ്ങിയ കായ്ഫലങ്ങള് കഴിക്കാതിരിക്കാന് ശ്രദ്ധിക്കണം.
2. വവ്വാലിന്റെ കാഷ്ഠം വീഴാന് സാധ്യതയുള്ള ഒന്നും ഉപയോഗിക്കാതിരിക്കുക. ഉദാഹരണമായി വവ്വാലുകള് ധാരാളമുള്ള സ്ഥലങ്ങളില് തുറന്ന കലത്തില് ശേഖരിക്കുന്ന തെങ്ങ്/പന കള്ള് ഉപയോഗിക്കാതിരിക്കുക.
3. പനി, ചുമ, മയക്കം തുടങ്ങിയ ലക്ഷണങ്ങളുമായി വരുന്ന രോഗികളുമായി ഇടപഴകുമ്പോള് ആരോഗ്യപ്രവര്ത്തകര് വ്യക്തിഗതമായ സുരക്ഷാമാര്ഗ്ഗങ്ങള് ഉപയോഗിക്കണം.
പനി, ചുമ, മയക്കം തുടങ്ങിയ ലക്ഷണങ്ങളുള്ള രോഗികളെ പരിചരിക്കുന്നവരും ശ്രദ്ധിക്കേണ്ടതുണ്ട്.
4. രോഗികളുടെ അടുത്ത് കൂടുതല് സമയം ചെലവാക്കാതിരിക്കുക.
5. പനി ഉള്ളവരെ സന്ദര്ശിക്കുന്നത് പരമാവധി ഒഴിവാക്കുക.
6. രോഗികളുമായി സമ്പര്ക്കത്തില് ഏര്പ്പെട്ടശേഷം സോപ്പുപയോഗിച്ച് കൈ നന്നായി കഴുകി വൃത്തിയാക്കുക.
7. പനി ബാധിച്ച് മരിച്ച ആ മൂന്ന് പേരുടെ മൃതശരീരം കൈകാര്യം ചെയ്യുന്നവര് മാസ്ക്, ഗ്ലൗസ് തുടങ്ങിയ വ്യക്തിഗത സുരക്ഷാമാര്ഗങ്ങള് ഉപയോഗിക്കുക. ശരീരം സ്പര്ശിച്ചവര് ഉടനെ സോപ്പുപയോഗിച്ച് നന്നായി കഴുകുക. മൃതദേഹ ശുശ്രൂഷ ചെയ്തവര് ഉടനെതന്നെ സോപ്പുപയോഗിച്ച് നന്നായി കുളിക്കുക.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ