തിരുവനന്തപുരം: കർണാടക തെരഞ്ഞെടുപ്പിന് പിന്നാലെ തുടർച്ചയായി വർധിച്ചുവരുന്ന ഇന്ധനവില ഇന്നും കൂടി. പെട്രോളിന് 34 പൈസയും ഡീസലിന് 28 പൈസയുമാണ് കൂടിയത്. തിരുവനന്തപുരത്ത് പെട്രോളിന് ലിറ്ററിന് 80.35 രൂപയും ഡീസലിന് 73.34 രൂപയുമാണ്. തുടർച്ചയായ ഏഴാം ദിവസമാണ് ഇന്ധനവില വർധിക്കുന്നത്.
ശനിയാഴ്ച പെട്രോൾ വില ലിറ്ററിന് 80 രൂപ കടന്നിരുന്നു. കർണാടക തെരഞ്ഞെടുപ്പ് കഴിഞ്ഞതിനെ തുടർന്ന് ദിനംപ്രതി ഇന്ധനവില ഉയരുകയാണ്. കഴിഞ്ഞ ആറു ദിവസത്തിനിടെ പെട്രോളിന് 1.40 രൂപയും ഡീസലിന് 1.61 രൂപയുമാണ് വർദ്ധിച്ചത്. കർണാടക തെരഞ്ഞെടുപ്പിന്റെ പശ്ചാത്തലത്തിൽ ഇന്ധനവിലയിലെ പ്രതിദിന വർദ്ധന സർക്കാർ നിര്ത്തിവെച്ചിരുന്നു.
രാജ്യാന്തര വിപണിയിലെ ക്രൂഡോയിൽ വില വർദ്ധനയും ഡോളറിനെതിരെ രൂപയുടെ വിനിമയ മൂല്യം താഴ്ന്നതുമാണ് ഇന്ധനവില വർദ്ധിക്കാൻ കാരണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ