തിരുവനന്തപുരം: സർക്കാർ ഓഫീസുകളിൽ രാഷ്ട്രപിതാവ് മഹാത്മ ഗാന്ധിയുടെ ഒഴികെ മറ്റാരുടെയും ചിത്രം പ്രദർശിപ്പിക്കേണ്ടതില്ലെന്നു ഉത്തരവ്. ഉദ്യോഗസ്ഥ ഭരണ പരിഷ്കാര വകുപ്പിന്റേതാണ് നിർദ്ദേശം. രാഷ്ട്രപിതാവിന്റെ ഒഴികെയുള്ള ചിത്രങ്ങൾ പുരാവസ്തു വകുപ്പിലേക്ക് കൈമാറ്റം ചെയ്യാവുന്നതാണെന്നും ഉത്തരവിൽ പറയുന്നു.
ഏതെങ്കിലും മഹത് വ്യക്തിയുടെ പേരിലാണ് സ്ഥാപനം അറിയപ്പെടുന്നതെങ്കിൽ വകുപ്പ് മേലധികാരിയുടെ അനുമതിയോടെ അദ്ദേഹത്തിന്റെ ഫോട്ടോ ഓഫീസിൽ പ്രദർശിപ്പിക്കാം. സർക്കാർ സ്ഥാപനത്തിൽ സ്ഥാപന മേലധികാരിയുടെ പ്രവർത്തന കാലയളവ് തുടർച്ചയായി എഴുതി വയ്ക്കുന്നതിന് മുമ്പ് എല്ലാ മുൻഗാമികളുടേയും പേര്, പ്രവർത്തന കാലയളവ് എന്നിവ കൃത്യമായി പട്ടികയിൽ ഉണ്ടെന്ന് ഉറപ്പാക്കണമെന്നും സർക്കുലറിൽ പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ