തൃശൂർ: പരിഷ്കൃതസമൂഹത്തിൽ നിന്നും അപരിഷ്കൃതസമൂഹത്തിലേക്കാണ് കേരളം നടക്കുന്നതെന്ന് കെപിസിസി ഉപാധ്യക്ഷനും എംഎൽഎയുമായ വി ഡി സതീശൻ ആരോപിച്ചു. ശബരിമല യുവതി പ്രവേശന വിഷയത്തിൽ കോൺഗ്രസ് ഉറച്ച നിലപാടെടുക്കണമെന്ന് സതീശൻ ആവശ്യപ്പെട്ടു. തൃശൂരിൽ സംസ്കാര സാഹിതി ജില്ല ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.
മതേതര പുരോഗമന ദേശീയ പ്രസ്ഥാനമാണ് കോൺഗ്രസ്. ആ ബോധ്യം നേതാക്കൾക്കും പ്രവർത്തകർക്കും ഉണ്ടാകണം. ആൾകൂട്ടത്തിന് പിറകെ പോകുന്നത് കോൺഗ്രസിന്റെ പാരമ്പര്യമല്ലെന്നും സതീശൻ പറഞ്ഞു.
പുരോഗമന വാദമുയർത്തുന്ന സി.പി.എം നിലപാട് കാപട്യമാണ്. സംഘ്പരിവാറിന് സൗകര്യമൊരുക്കുകയാണ് അവർ ചെയ്യുന്നത്. മതവും ജാതിയും പറഞ്ഞ് നേട്ടം കൊയ്യുന്ന തന്ത്രമാണ് സംഘ്പരിവാർ കേരളത്തിൽ പരീക്ഷിക്കുന്നത്. അതിന് അതിനെ സി.പി.എം സഹായിക്കുകയാണെന്നും സതീശൻ കുറ്റപ്പെടുത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
