കോട്ടയം : ശബരിമല യുവതീ പ്രവേശത്തെക്കുറിച്ചുള്ള മുന് പിഎസ്സി ചെയര്മാൻ ഡോ. കെ എസ് രാധാകൃഷ്ണന്റെ പരാമര്ശങ്ങള് ലീഗ് എംഎല്എ കെഎൻഎ ഖാദറിന്റേതെന്ന തലക്കെട്ടിൽ വ്യാജമായി പ്രചരിപ്പിച്ച കേസിൽ ബിജെപി പ്രവർത്തകൻ അറസ്റ്റില്. ഈരാറ്റുപേട്ട തലപ്പലം രാജ് നിവാസിൽ ആർ. വിനോദാണ് അറസ്റ്റിലായത്. മതസ്പർധ വളർത്തുന്ന തരത്തിൽ പ്രചാരണം നടത്തിയതിന് 183 –ാം വകുപ്പു പ്രകാരമാണ് വിനോദിനെതിരെ പൊലീസ് കേസെടുത്തത്.
ഡോ കെ എസ് രാധാകൃഷ്ണൻ നടത്തിയ വാർത്താ സമ്മേളനത്തിന്റെ ദൃശ്യങ്ങളാണ് വിനോദ് ദുരുപയോഗം ചെയ്തത്. യൂ ട്യൂബിൽ നിന്ന് ചാനൽ ദൃശ്യങ്ങൾ പകർത്തി ഒക്ടോബർ എട്ടിന് തെറ്റായ അടിക്കുറിപ്പോടെ ഫെയ്സ് ബുക്കിൽ അപ് ലോഡ് ചെയ്യുകയായിരുന്നു. എട്ടു ലക്ഷത്തോളം പേർ ഈ വിഡിയോ കാണുകയും 30000 പേർ ഷെയർ ചെയ്യുകയും ചെയ്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ