തിരുവിതാംകൂർ ദേവസ്വം ബോർഡ് : അഡ്വ. പാറവിള  വിജയകുമാർ സിപിഎം സ്ഥാനാർത്ഥി

സിപിഎം പ്രതിനിധിയായിരുന്ന കെ രാഘവന്റെ കാലാവധി പൂർത്തിയായതിനെ തുടർന്നാണ് ഒഴിവ് വന്നത്
തിരുവിതാംകൂർ ദേവസ്വം ബോർഡ് : അഡ്വ. പാറവിള  വിജയകുമാർ സിപിഎം സ്ഥാനാർത്ഥി

തിരുവനന്തപുരം: തിരുവിതാംകൂർ ദേവസ്വം ബോർഡ് അം​ഗത്തിന്റെ ഒഴിവിലേക്ക് അഡ്വ. പാറവിള എൻ വിജയകുമാർ മൽസരിക്കും. ഇടതു സ്ഥാനാർത്ഥിയായാണ് വിജയകുമാർ മൽസരിക്കുക. വിവരാവകാശ കമ്മിഷൻ മുൻ സെക്രട്ടറിയായ വിജയകുമാർ, സിപിഎമ്മിന്റെ പോഷക സംഘടനയായ പട്ടിക ജാതി ക്ഷേമ സമിതിയുടെ തിരുവനന്തപുരം ജില്ലാ വൈസ് പ്രസിഡന്റാണ്. 

സെക്രട്ടേറിയറ്റ് എംപ്ലോയീസ് അസോസിയേഷൻ സെക്രട്ടറിയുമായിരുന്നിട്ടുണ്ട് വിജയകുമാർ. സിപിഎം പ്രതിനിധിയായിരുന്ന കെ രാഘവന്റെ കാലാവധി പൂർത്തിയായതിനെ തുടർന്നാണ് ഒഴിവ് വന്നത്. പട്ടികജാതി സംവരണ വിഭാഗത്തിലാണ് ഒഴിവ്. 29 -നാണ് തിരഞ്ഞെടുപ്പ്. നിയമസഭയിലെ ഹിന്ദു എം.എൽ.എ.മാരാണ് അംഗത്തെ തിരഞ്ഞെടുക്കേണ്ടത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com