ശബരിമലയില്‍ യുവതികള്‍ക്ക് പ്രവേശനം അനുവദിച്ചുകൊണ്ടുള്ള വിധി വന്നതിന് പിന്നാലെ മല ചവിട്ടാനായി പൊലീസിന്റെ വെര്‍ച്യല്‍ ക്യൂവില്‍ പേര് രജിസ്റ്റര്‍ ചെയ്ത സ്ത്രീകളുടെ വിവരങ്ങള്‍ ചോര്‍ന്നതായി സൂചന. 900 സ്ത്രീകളാണ് പേര് രജിസ്റ്റര്‍ ചെയ്തിരിക്കുന്നത്. ചില സ്ത്രീകള്‍ക്ക് നേരെ ഭീഷണി ഉയര്‍ന്നതോടെയാണ് പേരു വിവരങ്ങള്‍ ചോര്‍ന്നതായി സംശയം ഉയര്‍ന്നത്.
ഇതോടെ പേരും വിലാസവും മൊബൈല്‍ നമ്പറും അടങ്ങുന്ന പട്ടിക പരിശോധിക്കാനുള്ള അധികാരം 2 ഉന്നത ഉദ്യോഗസ്ഥര്‍ക്ക് മാത്രമായി. മണ്ഡല മകര വിളക്ക് തീര്‍ത്ഥാടനത്തിന് ഇന്ന് നടതുറക്കും. ആദ്യ ദിവസം തന്നെ സ്ത്രീകള്‍ ദര്‍ശനത്തിന് എത്തിയേക്കുമെന്നാണ് സൂചന.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
