കോട്ടയം: ശബരിമല സ്ത്രീ പ്രവേശനവുമായി ബന്ധപ്പെട്ട് നടത്തുന്ന സമരത്തില്‍ വഴിയാത്രക്കാര്‍ക്കു നേരെ അശ്ലീല പ്രദര്‍ശനം നടത്തി ആര്‍എസ്എസ് നേതാവ്. കോട്ടയം മണിമല പത്തനാട് സ്വദേശി ഗിരീഷാണ് സ്ത്രീകളടക്കമുള്ള യാത്രക്കാര്‍ക്ക് നേരെ മുണ്ടുപൊക്കി അശ്ലീല പ്രദര്‍ശനം നടത്തിയത്.
ശരണ നാമജപയാത്ര എന്ന പേരില്‍ പ്രതിഷേധ പ്രകടനത്തിലായിരുന്നു സംഭവം. പ്രകടനത്തില്‍ രാഷ്ട്രീയ മുദ്രാവാക്യങ്ങളും കേട്ടാല്‍ അറയ്ക്കുന്ന തെറിവിളികളും നിറഞ്ഞിരുന്നു. പിണറായി വിജയന് നേരെ വ്യക്തിപരമായ അധിക്ഷേപവും ഉയര്‍ത്തി.
മുഖ്യമന്ത്രിയുടെ കയ്യും വെട്ടും കാലും വെട്ടും എന്നായിരുന്നു പ്രതിഷേധത്തിലെ പ്രകോപനപരമായ മുദ്രാവാക്യം. ഇതിനിടെ യാത്രക്കാര്‍ക്കുനേരെ മുണ്ടുപൊക്കി കാണിക്കുകയായിരുന്നു ഇയാള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
