തിരുവനന്തപുരം: ശബരിമലയില്‍ തീര്‍ത്ഥാടനത്തിനായി യുവതികള്‍ക്ക് കുറച്ച് കഴിഞ്ഞ് പോയാല്‍ പോരെയെന്ന് പി കെ ശ്രീമതി എംപി. നട തുറന്ന ഉടനെ ഇന്ന് ചിലര്‍ ശബരിമലയിലേക്ക് പോയത് സര്‍ക്കാരിന് പാരവയ്ക്കാനല്ലേയെന്നും അവര്‍ സംശയം പ്രകടിപ്പിച്ചു. ഇത് തന്റെ വ്യക്തിപരമായ അഭിപ്രായമാണെന്നും പി കെ ശ്രീമതി വ്യക്തമാക്കിയിട്ടുണ്ട്.
ഭക്തിയോ വിശ്വാസമോ ആണെങ്കില്‍ അല്‍പ്പം കാത്തിരുന്നിട്ട് പോയാല്‍ പോരെയെന്നും ചാടിക്കയറിപ്പോകുന്നത് പ്രശ്‌നമുണ്ടാക്കാനാണെന്നും അവര്‍ കൂട്ടിച്ചേര്‍ത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
