കൊച്ചി: സമൂഹ നന്മ എന്ന ആശയത്തെ മുന്നിര്ത്തി സമൂഹ മാധ്യമങ്ങളില് ടിക് ടോക് , ഡബ്സ്മാഷ് വീഡിയോകള് അവതരിപ്പിക്കുന്ന യുവാക്കള് കൊച്ചി മറൈന് ഡ്രൈവില് ഒത്തു ചേര്ന്നു. നൂറിലധികം പേര് പങ്കെടുത്ത ഈ ഒത്തു ചേരലില് നിരവധിപേര് ഡബ്സ് മാഷുകള് അവതരിപ്പിച്ചു.
സംസ്ഥാനത്തിന്റെ വിവിധ ഭാഗങ്ങളില് നിന്നെത്തിയ മുടിയന്മാരും ഫ്രീക്കന്മാരും ചേര്ന്ന് പാട്ടും ഡാന്സും അവതരിപ്പിച്ച് മറൈന് ഡ്രൈവിനെ സജീവമാക്കി. സമൂഹ മാധ്യമങ്ങളില് ടിക് ടോക്, ഡബ്സ് മാഷ് വീഡിയോകള് അവതരിപ്പിച്ച് ശ്രദ്ധേയരായ യുവാക്കളാണ് ഒത്തു ചേരലിന് മുന്കൈയെടുത്തത്. സമൂഹത്തെ സഹായിക്കുക എന്ന ലക്ഷ്യമാണ് ഈ കൂട്ടായ്മയിലേക്ക് നയിച്ചതെന്ന് പരിപാടിയുടെ സംഘാടകര് വ്യക്തമാക്കി.
അവരവരുടെ കഴിവുകള്ക്ക് ഒരു വേദി ഒരുക്കുക എന്ന ലക്ഷ്യവും പരിപാടിക്ക് പിന്നിലുണ്ടെന്നും ഇവര് പറയുന്നു. കൂടുതല് പേരെ ഉള്പ്പെടുത്തി വിപുലമായ ഒത്തുചേരലിനു ഒരുങ്ങുകയാണ് കലാകാരന്മാരുടെ ഫ്രീക് കൂട്ടായ്മ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ